ഹിമാചല്പ്രദേശിലെ റോത്തങ് പാസില് സൈനിക വിമാനം അപകടത്തില്പ്പെട്ട് വീരമൃത്യു വരിച്ച സൈനികന് തോമസ് ചെറിയാന്റെ മൃതദേഹം തിരുവനന്തപുരത്തെത്തിച്ചു. വ്യോമസേനയുടെ പ്രത്യേക വിമാനത്തിൽ ഇന്ന് ഉച്ചയോടെ മൃതദേഹം നാട്ടിലെത്തിച്ചു. സര്ക്കാരിന് വേണ്ടി മന്ത്രി വീണാ ജോര്ജ്ജ് മൃതദേഹം ഏറ്റുവാങ്ങി. കേന്ദ്രമന്ത്രി സുരേഷ്ഗോപി ഭൗതീകദേഹത്തില് പുഷ്പ ചക്രം അര്പ്പിച്ചു. തോമസ് ചെറിയാന്റെ സഹോദരന് തോമസ് തോമസ് പുഷ്പചക്രം അര്പ്പിച്ച് മൃതദേഹം ഏറ്റുവാങ്ങി.
വിലാപയാത്രയായി തുറന്ന സൈനീക വാഹനത്തില് ഭൗതിക ശരീരം പാങ്ങോട് മിലിട്ടറി സ്റ്റേഷനിലേക്ക് കൊണ്ടുപോയി. ഇന്ന് പാങ്ങോട് മിലിട്ടറി സ്റ്റേഷനിലെ മോര്ച്ചറിയില് സൂക്ഷിക്കുന്ന മൃതദേഹം നാളെ വിലാപയാത്രയായി ജന്മനാടായ ഇലന്തൂരിലേക്ക് കൊണ്ടുപോകും. ശേഷം നാളെ രാവിലെ 10.30ന് ഭൗതികശരീരം ഇലന്തൂര് ചന്ത ജങ്ഷനില് നിന്ന് സൈനിക അകമ്പടിയോടെ വീട്ടിലേക്ക് കൊണ്ടുപോകും.
