തിരുവനന്തപുരം: തിരുവനന്തപുരം ജനറൽ ആശുപത്രിയിലെ ചികിത്സ പിഴവിനെ തുടർന്ന് നെഞ്ചിൽ ട്യൂബ് കുരുങ്ങിയ സുമയ്യ വിദഗ്ധ സംഘത്തിന് മുന്നിൽ മൊഴി നൽകി. 2023 മുതലുള്ള രേഖകൾ സംഘത്തെ കാണിച്ചുവെന്ന് സുമയ്യ വ്യക്തമാക്കി. ശസ്ത്രക്രിയ നടത്തിയ ഡോക്ടറും വിദഗ്ധ സംഘത്തിന് മുന്നിൽ മൊഴി നൽകാൻ എത്തിയിരുന്നു.
തുടർചികിത്സയെ കുറിച്ചാണ് ചർച്ച ചെയ്തത്. ഗൈഡ് വയർ പുറത്തെടുക്കാൻ കഴിയുമോ എന്ന് വീണ്ടും പരിശോധന നടത്തുമെന്നും ഡോക്ടർക്കെതിരെയുള്ള നടപടിയെ കുറിച്ച് ചർച്ച ആയില്ലെന്നും സുമയ്യ പറഞ്ഞു.
