തിരുവനന്തപുരം: വന്ദേഭാരതിന്റെ ഉദ്ഘാടനത്തിനെത്തുന്ന പ്രധാനമന്ത്രി നരേന്ദ്രമോദി സ്കൂള് വിദ്യാര്ത്ഥികളുമായി സംവദിക്കും. സംസ്ഥാനത്തെ സ്കൂളുകളില് നിന്ന് തിരഞ്ഞെടുത്ത വിദ്യാര്ത്ഥികളുടെ പേരുകള് നല്കാന് അധികൃതര്ക്ക് റെയില്വേ അറിയിപ്പ് നല്കി. തിരഞ്ഞെടുക്കപ്പെട്ട വിദ്യാര്ഥികള്ക്ക് വന്ദേഭാരത് ട്രെയിനില് യാത്ര ചെയ്യാനുള്ള അവസരം ഒരുക്കുന്നതായും റെയില്വേ സ്കൂളുകള്ക്കയച്ച കത്തില് പറയുന്നു.
12 മുതല് 18വരെ പ്രായപരിധിയുള്ള വിദ്യാര്ഥികളില് നിന്ന് തിരഞ്ഞെടുക്കപ്പെട്ട വിദ്യാര്ഥികള്ക്കാണ് പ്രധാനമന്ത്രിയുമായി സംവദിക്കുവാനും വന്ദേഭാരത് ട്രെയിനില് യാത്ര ചെയ്യാനുമാണ് അവസരം ഒരുക്കുന്നത്. സ്കൂളിലെ കലാരംഗങ്ങളില് ഉള്പ്പടെ മികവ് പുലര്ത്തിയ വിദ്യാര്ഥികളില് നിന്നും തിരഞ്ഞെടുക്കാനാണ് റെയില്വേ ആവശ്യപ്പെട്ടിട്ടുള്ളത്.
ഏപ്രില് 25 ന് വന്ദേഭാരത് ഉദ്ഘാടനാണ് പ്രധാനമന്ത്രി വന്ദേഭാരത് ഫ്ളാഗ് ഓഫ് ചെയ്യുന്നത്. ഉദ്ഘാടന ദിവസം തിരുവനന്തപുരം മുതല് കൊല്ലം വരെ യാത്ര ചെയ്യുന്നതായാണ് പരിഗണനയിലുള്ളത്. അന്ന് പ്രധാനമന്ത്രി യാത്രക്കാരുമായും സംവദിക്കുമെന്നനാണ് നിലവിലെ വിവരം
