മൂവാറ്റുപുഴ∙ പ്രസ്സ് ക്ലബ്ബ് മൂവാറ്റുപുഴയുടെയും നിർമല മെഡിക്കൽ സെന്ററിന്റെയും നേതൃത്വത്തിൽ സമ്പൂർണ സൗജന്യ ഹൃദ്രോഗ പരിശോധന ക്യാമ്പ് 29ന് നടക്കും. വെള്ളൂർക്കുന്നത്ത് പ്രസ്സ് ക്ലബ്ബ് ഹാളിൽ നടക്കുന്ന ക്യാമ്പ് രാവിലെ 9ന് മാത്യു കുഴൽനാടൻ എംഎൽഎ ഉദ്ഘാടനം ചെയ്യും. നഗരസഭ ചെയർമാൻ പി.പി.എൽദോസ് അധ്യക്ഷനാകും. നിർമല ആശുപത്രി അഡ്മിനിസ്ട്രേറ്റർ സിസ്റ്റർ ജെസി ജോസ് മുഖ്യ പ്രഭാഷണം നടത്തും. നഗരസഭ ഹെൽത്ത് സ്റ്റാൻഡിങ് കമ്മിറ്റി ചെയർമാൻ പി എം അബ്ദുൽസലാം, നിർമ്മല ഹോസ്പിറ്റൽ അഡ്മിനിസ്ട്രേറ്റർ
സിസ്റ്റർ ജെസ്സി ജോസ് , പ്രസ് ക്ലബ്ബ് പ്രസിഡൻറ് പിജി ബിജു, സെക്രട്ടറി അനൂപ് സത്യൻ, പാട്രിക് എം കല്ലട (ജനറൽ മാനേജർ, നിർമല ഹോസ്പിറ്റൽ ) എന്നിവർ സംസാരിക്കും.
ക്യാംപിൽ പങ്കെടുക്കുന്നവർക്ക് രക്തസമ്മർദ്ദം, തൈറോയ്ഡ്, ലിപ്പിഡ് പ്രൊഫൈൽ, ഇസിജി, കാർഡിയോ, ശ്വാസകോശ നിർണയ പരിശോധനകൾ സൗജന്യമായിരിക്കും. സൗജന്യമായി മരുന്നു വിതരണവും ഉണ്ടാകും. നിർമല മെഡിക്കൽ സെന്ററിലെ ഹൃദ്രോഗ വിദഗ്ധൻ ഡോ. ജുബിൽ പി. മാത്യു, മെഡിക്കൽ ഓഫിസർ ഡോ. ടി.ടി. ടോമിലിൻ എന്നിവർ പരിശോധനയ്ക്കു നേതൃത്വം നൽകും
