കൊവിഡ് പ്രതിരോധത്തിനായി ഏര്പ്പെടുത്തിയിരിക്കുന്ന എന്95 മാസ്ക് ഒഴിവാക്കണമെന്ന് കേന്ദ്ര ആരോഗ്യ മന്ത്രാലയം. ഈ മാസ്ക് കൊറോണ വൈറസില് നിന്നും വ്യാപനം ഒഴിവാക്കില്ലെന്ന് ആരോഗ്യ മന്ത്രാലയം പറയുന്നു. സംസ്ഥാനങ്ങള്ക്ക് കേന്ദ്ര ആരോഗ്യ മന്ത്രാലയം ഇത് സംബന്ധിച്ച് കത്ത് നല്കി. എന്95 മാസ്കിലുള്ള വാല്വ് വഴി വൈറസ് പുറത്തു കടക്കാമെന്നാണ് അധികൃതര് പറയുന്നത്. അതുകൊണ്ട് സാധാരണ തുണി മാസ്ക് ഉപയോഗിക്കാനാണ് മന്ത്രാലയത്തിന്റെ നിര്ദേശം. സംസ്ഥാന, കേന്ദ്ര ഭരണ പ്രദേശങ്ങള്, തുണി കൊണ്ടുള്ള മാസ്ക് ഉപയോഗത്തെ പ്രോത്സാഹിപ്പിക്കണമെന്നും കത്തില് പറയുന്നു.
വാണിജ്യാവശ്യത്തിനാണ് വാല്വ് ഉള്ള മാസ്കുകള് ഉപയോഗിക്കുന്നത്. ഇത്തരം മാസ്കുകള് അകത്തേക്ക് വരുന്ന വായുവിനെ ശുദ്ധീകരിക്കും. വാല്വിലൂടെയാണ് നാം പുറത്തുവിടുന്ന വായു പോകുന്നത്. എന്95 മാസ്ക് ഉപയോഗിക്കുന്നത് ഉപയോക്താവിന് സംരക്ഷണം നല്കുമെങ്കിലും അടുത്ത് നില്ക്കുന്ന വ്യക്തിക്ക് ഇത് ദോഷകരമായിരിക്കും.
