വൈദ്യുതി മന്ത്രി എം.എം മണിക്ക് ശസ്ത്രക്രിയ നടത്തി. തലച്ചോറിലെ രക്തസ്രാവത്തെ തുടര്ന്ന് ഇദ്ദേഹത്തെ കഴിഞ്ഞ ദിവസം ആശുപത്രിയില് പ്രവേശിപ്പിച്ചിരുന്നു. തിരുവനന്തപുരം മെഡിക്കല് കോളേജ് ആശുപത്രിയില് ഇന്ന് രാവിലെയാണ് ശസ്ത്രക്രിയ നടന്നത്. രണ്ടാം തവണയാണ് ഇദ്ദേഹത്തിന് ശസ്ത്രക്രിയ നടത്തുന്നത്.
വെള്ളിയാഴ്ച ഇ എന് ടി വിഭാഗത്തില് ചെക്കപ്പിനായെത്തിയ മന്ത്രിയ്ക്ക് നടത്തിയ പരിശോധനയിലാണ് തലച്ചോറില് നേരിയതോതില് രക്തസ്രാവം കണ്ടെത്തിയത്. 2019 ജൂലൈ മാസത്തിലും തലച്ചോറില് രക്തസ്രാവം ഉണ്ടായതിനെ തുടര്ന്ന് മന്ത്രിയെ ശസ്ത്രക്രിയയ്ക്ക് വിധേയമാക്കിയിരുന്നു.
ഇത്തവണ വീണ്ടും തലച്ചോറിന്റെ മറുവശത്ത് രക്തസ്രാവം കണ്ടെത്തുകയായിരുന്നു. ശസ്ത്രക്രിയയ്ക്കു ശേഷം മന്ത്രിയുടെ ആരോഗ്യ നില തൃപ്തികരമായി തുടരുന്നുവെന്ന് ആശുപത്രി സൂപ്രണ്ട് ഡോ എം എസ് ഷര്മ്മദ് അറിയിച്ചു.
