മറ്റ് സംസ്ഥാനങ്ങളില് നിന്ന് കേരളത്തിലേക്ക് വരുന്ന മലയാളികള്ക്ക് പാസ് അനുവദിക്കുന്നത് താല്ക്കാലികമായി നിര്ത്തിവെച്ചു. നിലവില് പാസ് ലഭിച്ച ആളുകളെ കടത്തിവിടുകയും ക്വാറന്റൈനിലാക്കുകയും ചെയ്ത ശേഷമേ പുതിയ പാസുകള് അനുവദിക്കൂ.
ക്വാറന്റൈനിലാക്കുന്നതും പരിശോധനകളുടെ കാലതാമസവുമാണ് പുതിയ പാസ് അനുവദിക്കുന്നതിന് തടസ്സമാകുന്നതെന്നാണ് പറയുന്നത്. ഏകോപന ചുമതലയുള്ള മുതിര്ന്ന ഐഎഎസ് ഉദ്യോഗസ്ഥന് ബിശ്വനാഥ് സിന്ഹയാണ് പാസുകള് തത്കാലത്തേക്ക് നിര്ത്തിവെക്കാന് നിര്ദേശിച്ചത്. അതേ സമയം,വിവിധ സംസ്ഥാനങ്ങളില് നിന്ന് വരേണ്ടവര്ക്ക് കൊവിഡ് ജാഗ്രത എന്ന വെബ്സൈറ്റ് വഴി പാസിന് ഇപ്പോഴും അപേക്ഷിക്കാം.
