സംസ്ഥാനത്തെ നാഷണല് ഹെല്ത്ത് മിഷനില് പ്രവര്ത്തിക്കുന്ന ആരോഗ്യ പ്രവര്ത്തകരുടെ സേവന കാലാവധി വെട്ടിച്ചുരുക്കി സര്ക്കാര്. ഒരു വര്ഷത്തേക്ക് പുതുക്കാനുള്ള കാലാവധി മൂന്നുമാസമായി ചുരുക്കി. എന് എച്ച് എം സംസ്ഥാന ഡയറക്ടറുടെ ഉത്തരവിന്റെ പകര്പ്പ് ലഭിച്ചു. 19 വര്ഷമായി പ്രവര്ത്തിക്കുന്ന തൊഴിലാളികളെ ഒഴിവാക്കാന് നീക്കമെന്ന് സിഐടിയു ആരോപിച്ചു.
ഒരു വര്ഷമായിരുന്ന കാലാവധി മൂന്ന് മാസമായി ചുരുക്കുന്നതോടെ മൂന്ന് മാസം കഴിഞ്ഞ് വീണ്ടും ജോലി വിലയിരുത്തിക്കൊണ്ടുള്ള പെര്ഫോമന്സ് അപ്രൈസല് നടപടികള് പൂര്ത്തിയാക്കേണ്ടതായി വരും. സര്ക്കാര് എന്താണ് ഇതിലൂടെ ഉദ്ദേശിക്കുന്നതെന്ന് വ്യക്തതയില്ലെന്ന് ജീവനക്കാരുടെ പ്രതിനിധികള് പ്രതികരിക്കുന്നു.
