പ്ലസ് വണ്‍ പ്രവേശന അപേക്ഷാ തീയതി വീണ്ടും നീട്ടി. ഈ മാസം 25 വരെയാണ് അപേക്ഷ നല്‍കാനുള്ള സമയം നീട്ടിയത്. ആ സമയം വരെ കാന്‍ഡിഡേറ്റ് ലോഗിനും സൃഷ്ടിക്കാന്‍ സാധിക്കും.
അതേസമയം പ്ലസ് ടു, പത്താം ക്ലാസുകളുടെ സേ അഥവാ ഇംപ്രൂവ്മെന്റ് പരീക്ഷകള്‍ എസ്എസ്എല്‍സി/ ടിഎച്ച്എസ്എല്‍സി/ എഎച്ച്എസ്എല്‍സി/ എസ്എസ്എല്‍സി (ഹിയറിംഗ് ഇംപയേര്‍ഡ്)/ ടിഎച്ച്എസ്എല്‍സി (ഹിയറിംഗ് ഇംപയേര്‍ഡ്) സെപ്റ്റംബര്‍ 22ന് തുടങ്ങും. വിജ്ഞാപനം www.keralapareekshabhavan.in എന്ന സൈറ്റില്‍ ഉടനെ നല്‍കും.
ഹയര്‍ സെക്കന്‍ഡറി/ വെക്കേഷണല്‍ ഹയര്‍ സെക്കന്‍ഡറി/ ടെക്നിക്കല്‍ ഹയര്‍ സെക്കന്‍ഡറി/ ആര്‍ട്ട് ഹയര്‍ സെക്കന്‍ഡറി സേ/ ഇംപ്രൂവ്മെന്റ് പരീക്ഷകള്‍ അടുത്ത മാസം 22ന് ആരംഭിക്കും. പരീക്ഷകളുടെ വിജ്ഞാപനം www.dhsekerala.gov.in എന്ന സൈറ്റില്‍ ലഭ്യമാണ്. വൊക്കേഷണല്‍ ഹയര്‍ സെക്കന്‍ഡറി വിഭാഗത്തിന് അവരുടെ സ്‌കൂളുമായി ബന്ധപ്പെട്ടാല്‍ അപേക്ഷകള്‍ സമര്‍പ്പിക്കാവുന്നതാണ്.
