അവസാന വര്ഷ പരീക്ഷയ്ക്ക് കോളജുകള് തുറക്കാമെന്ന് കേന്ദ്രസര്ക്കാര്. കേന്ദ്ര ആഭ്യന്തര മന്ത്രാലയം സുപ്രീം കോടതിയില് സത്യവാങ്മൂലം നല്കി. ഈ മാസം അവസാനം വരെ വിദ്യാഭ്യാസ സ്ഥാപനങ്ങള് തുറക്കേണ്ടെന്ന നിര്ദേശത്തില് ഇളവ് വരുത്തിയെന്നാണ് കേന്ദ്രം സുപ്രീം കോടതിയെ അറിയിച്ചത്.
ഡിഗ്രി അവസാന വര്ഷ പരീക്ഷ പരീക്ഷ നിര്ബന്ധമാക്കിയ യുജിസി സര്ക്കുലര് റദ്ദാക്കണമെന്ന് ആവശ്യപ്പെട്ട് ഒരുകൂട്ടം വിദ്യാര്ഥികള് സുപ്രീംകോടതിയില് ഹര്ജി നല്കിയിരുന്നു. കഴിഞ്ഞ ദിവസം ഹര്ജി പരിഗണിച്ച കോടതി, കേന്ദ്ര സര്ക്കാരിന്റെയും യുജിസിയുടെയും മറുപടി തേടി നോട്ടിസ് അയച്ചിരുന്നു.
