കോതമംഗലം: മെഡിക്കല്- എഞ്ചിനീയറിംഗ് പ്രവേശനത്തിനായി തയ്യാറെടുക്കുന്ന വിദ്യാര്ത്ഥികള്ക്കായി ഒരു മാസത്തെ എന്ട്രന്സ് പരിശീലന ക്ലാസുകള്ക്ക് മാര് ബേസില് ഹയര് സെക്കണ്ടറി സ്കൂളില് തുടക്കമായി. പടവുകള് എന്ന് പേരിട്ടിരിക്കുന്ന ക്ലാസ്, കോതമംഗലം എംബിറ്റ്സ് എഞ്ചിനീയറിംഗ് കോളേജും പ്രശസ്ഥ എന്ട്രന്സ് കോച്ചിങ് സ്ഥാപനമായ ട്രേസ് അക്കാദമിയും സംയുക്തമായാണ് സംഘടിപ്പിക്കുന്നത്.
ബേസില് സ്കൂളില് നടന്ന ചടങ്ങില് സ്കൂള് മാനേജര് കെ പി ജോര്ജ് ക്ലാസ്സിന്റെ ഉദ്ഘാടനം നിര്വഹിച്ചു. എംബിറ്റ്സ് ചെയര്മാന് പി വി പൗലോസ് അധ്യക്ഷത വഹിച്ചു. ഡോ. വിജയകുമാര്, ബിനീഷ് മേനോന് ബേസില് സ്കൂള് പ്രിന്സിപ്പല് എല്ദോസ് കെ വര്ഗീസ്, സ്കൂള് എച്ച് എം ഷൈബി കെ അബ്രഹാം, എന്നിവര് ആശംസകള് അര്പ്പിച്ചു. എംബിറ്റ്സ് സെക്രട്ടറി സിഎ കുഞ്ഞച്ചന് സ്വാഗതവും പ്രിന്സിപ്പല് ഡോ. പി സോജന്ലാല് നന്ദിയും പറഞ്ഞു.
ക്ലാസ്സില് പങ്കെടുക്കാന് താല്പര്യമുള്ള വിദ്യാര്ത്ഥികള്: 9895343839, 9061063801 എന്നീ നമ്പറുകളില് ബന്ധപ്പെടുക.