ഗൂഡല്ലൂര്‍ : മസിനഗുഡിയില്‍ കാട്ടാനകളുടെ ആക്രമണത്തില്‍ രണ്ടുപേര്‍ കൊല്ലപ്പെട്ടു. ഇന്ന് പുലര്‍ച്ചെയായിരുന്നു സംഭവം.നിലഗിരി ജില്ലയിലെ മസിനഗുഡിയിലും ദേവര്‍ശോലയിലുമാണ് കാട്ടാനകളുടെ ആക്രമണം ഉണ്ടായത്.
മസിനഗുഡിയില്‍ 51കാരനായ കര്‍ഷകന്‍ നാഗരാജ്, ദേവര്‍ശോലയില്‍ എസ്റ്റേറ്റ് ജീവനക്കരാനായ മാദേവ് എന്നിവരാണ് മരിച്ചത്.
കര്‍ഷകനായ നാഗരാജിനെ വെള്ളിയാഴ്ച പുലര്‍ച്ചെ അഞ്ചിനാണ് ആന ആക്രമിച്ചത്. ദേവര്‍ശോലയിലെ എസ്റ്റേറ്റ് താത്കാലിക ജീവനക്കാരനായ മാതേവ് രാവിലെ എട്ടരയോടെയാണ് കൊല്ലപ്പെടുന്നത്. എസ്റ്റേറ്റില്‍ വെള്ളം നനയ്ക്കുകയായിരുന്ന മാതേവിന് കാട്ടാനയുടെ ചവിട്ടേല്‍ക്കുകയായിരുന്നു.
