കൊച്ചി : സുപ്രീംകോടതി പൊളിച്ചുനീക്കാന്‍ നിര്‍ദേശിച്ച മരടിലെ ഫ്‌ലാറ്റുകളില്‍ വെള്ളവും വൈദ്യുതിയും വിച്ഛേദിച്ചു. ഇന്ന് പുലര്‍ച്ചെ നാല് ഫ്‌ലാറ്റുകളിലെ വൈദ്യുതിയാണ് വിച്ഛേദിച്ചത്. വൈദ്യുതിയും വെള്ളവും വിച്ഛേദിക്കാന്‍ കഴിഞ്ഞദിവസം നോട്ടീസ് പതിച്ചിരുന്നു. രാവിലെ ഫ്‌ലാറ്റുകളിലേക്കുള്ള ജലവിതരണവും നിറുത്തിവച്ചു. ഇന്ന് ഉച്ചയോടെ ഗ്യാസ്‌കണക്ഷനും വിച്ഛേദിക്കും. സ്ഥലത്ത് പൊലീസ് സുരക്ഷ ഏര്‍പ്പെടുത്തി.
നഗരസഭാ നിര്‍ദേശത്തെ തുടര്‍ന്നാണ് ബുധനാഴ്ച കെഎസ്ഇബിയും വാട്ടര്‍ അതോറിറ്റിയും ഫ്ളാറ്റുകളില്‍ നോട്ടീസ് പതിപ്പിച്ചത്. നാല് ഫ്ളാറ്റ് സമുച്ചയങ്ങളില്‍ മൂന്നെണ്ണത്തിനാണ് സ്വന്തമായി ശുദ്ധജല കണക്ഷന്‍ ഉള്ളത്. ഹോളിഫെയ്ത്ത് എച്ച്2ഒയില്‍ ടാങ്കറില്‍ വെള്ളം എത്തിക്കുകയാണ്.
