ജസ്പാല്‍ ഷണ്‍മുഖന്‍, ധ്യാന്‍ ശ്രീനിവാസനെ നായകനാക്കി സംവിധാനം ചെയ്യുന്ന ചിത്രം സ്വര്‍ഗ്ഗത്തിലെ കട്ടുറുമ്പ് ചിത്രീകരണം മെയ് 2-ന് തൊടുപുഴയില്‍ ആരംഭിക്കും. എ.ടി.എം, മിത്രം, ചാവേര്‍പ്പട, എന്റെ കല്ലുപെന്‍സിന്‍ എന്നീ ചിത്രങ്ങളിലൂടെ ശ്രദ്ധേയനായ സംവിധായകനാണ് ജസ്പാല്‍ ഷണ്‍മുഖന്‍.
മൈന ക്രിയേഷന്‍സിന്റെ ബാനറില്‍ ശിവന്‍കുട്ടന്‍ കെ.എന്‍, വിജയകുമാര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ധ്യാന്‍ ശ്രീനിവാസന്‍, ഗായത്രി അശോക്, ജോയി മാത്യു, നിര്‍മ്മല്‍ പാലാഴി, രാജേഷ് പറവൂര്‍, ജയകൃഷ്ണന്‍, സുധി കൊല്ലം, ടോണി, മനോഹരി ജോയി എന്നിവരോടൊപ്പം മറ്റ് പ്രമുഖ താരങ്ങളും വേഷമിടുന്നു.
കഥ – ശിവന്‍കുട്ടന്‍ വടയമ്പാടി, തിരക്കഥ, സംഭാഷണം – വിജു രാമചന്ദ്രന്‍, പ്രൊജക്റ്റ് ഡിസൈനര്‍- എന്‍.എം. ബാദുഷ, ക്യാമറ- അശ്വഘോഷന്‍, ഗാനങ്ങള്‍ – സന്തോഷ് വര്‍മ്മ, സംഗീതം- ബിജിപാല്‍, കല- കോയ, പ്രൊഡക്ഷന്‍ കണ്‍ട്രോളര്‍- വിനോദ് പറവൂര്‍, മേക്കപ്പ്- രാജീവ് അങ്കമാലി, കോസ്റ്റ്യൂം – കുമാര്‍ ഇടപ്പാള്‍, പി.ആര്‍.ഒ- അയ്മനം സാജന്‍.
