ഷാരൂഖ് ഖാന് ചിത്രം പത്താന് ഇന്ന് റിലീസിനെത്തിയിരിക്കുകയാണ്. ചിത്രത്തിന്റെ പ്രെമോഷന്റെ ഭാഗങ്ങളായി കിങ്ങ് ഖാന് സോഷ്യല് മീഡിയയില് ഒരുപാട് സമയം ചെലവഴിച്ചിരുന്നു. ട്വിറ്ററിലൂടെ ആരാധകരുമായി സംവദിക്കുകയായിരുന്നു ഷാരൂഖ്, ഇതിനിടയില് മകള് സുഹാനയുടെ ഇന്സ്റ്റഗ്രാം ഫൊട്ടൊയ്ക്ക് കമന്റ് ചെയ്യാനും താരം മറന്നില്ല.
ദുബായിലെ ഹോട്ടല് അറ്റ്ലാന്റിസിന്റെ ലോഞ്ചിനായെത്തിയതാണ് സുഹാന. ഇതിന്റെ ചിത്രം സോഷ്യല് മീഡിയയില് പങ്കുവയ്ക്കുകയും ചെയ്തു. ബ്ലാക്ക് ഡ്രെസ് അണിഞ്ഞ് വളരെ എലഗന്റ് ലുക്കിലാണ് സുഹാന എത്തിയത്. ആരാധകര് സുഹാനയുടെ ചിത്രത്തിനു താഴെ കമന്റുമായെത്തി. എന്നാല് ഷാരൂഖിന്റെ രസകരമായ കമന്റാണ് സോഷ്യല് മീഡിയയെ ചിരിപ്പിച്ചത്.
”വളരെ എലഗന്റായിരിക്കുന്നു നിന്നെ കാണാന്, നീ വീട്ടില് ധരിക്കാറുള്ള പൈജാമയില് നിന്നും തികച്ചും വ്യത്യസ്തമാണിത്” എന്നാണ് ഷാരൂഖിന്റെ കമന്റ്. ”നന്ദി” എന്ന് ഇതിനു മറുപടിയും നല്കി സുഹാന. സോയ അക്തറിനൊപ്പമുള്ള ദി ആര്ച്ചീസിലൂടെ സിനിമാലോകത്തെത്താന് ഒരുങ്ങുകയാണ് സുഹാന. ഷാരൂഖ് മാത്രമല്ല, താരങ്ങളായ അനന്യ പാണ്ഡെ, ഷനായ കപൂര് എന്നിവരുടെ കമന്റുമായി എത്തി.
ഇതിനു മുന്പും ഷാരൂഖ് ഇത്തരത്തില് സുഹാനയുടെ ചിത്രങ്ങള്ക്ക് കമന്റ് ചെയ്തിട്ടുണ്ട്. ദീപാവലി സമയത്ത് സുഹാന സാരി അണിഞ്ഞ് പങ്കുവച്ച ചിത്രത്തില് ”നിനക്ക് അതിന് സാരി ഉടുക്കാന് അറിയുമോ” എന്നതായിരുന്നു ഷാരൂഖിന്റെ കമന്റ്.
നാലു വര്ഷങ്ങള്ക്ക് ശേഷം ഷാരൂഖ് ബിഗ് സ്ക്രീനിലെത്തിയ ചിത്രം പത്താന് തിയേറ്ററുകളിലെത്തി. അറ്റ്ലിയുടെ സംവിധാനത്തിലൊരുങ്ങുന്ന ജവാന്, രാജ്കുമാര് ഹിരാനിയുടെ ഡുങ്കി എന്നിവയാണ് ഷാരൂഖിന്റെ മറ്റ് ചിത്രങ്ങള്.
