അപര്‍ണ ബാലമുരളി പ്രധാന കഥാപാത്രമായി എത്തിയ ചിത്രം ഇനി ഉത്തരത്തിന്റെ ഒടിടി റിലീസ് തീയതി പ്രഖ്യാപിച്ചു. ചിത്രത്തിന്റെ ഡിജിറ്റല്‍ അവകാശങ്ങള്‍ സ്വന്തമാക്കിയിരിക്കുന്നത് ഒടിടി പ്ലാറ്റ്ഫോമായ സീ 5 ആണ്. ചിത്രം ഡിസംബര്‍ 23 മുതല്‍ സീ 5 ല്‍ സ്ട്രീമിങ് ആരംഭിക്കുമെന്നാണ് അറിയിച്ചിരിക്കുന്നത്. ഒക്ടോബര്‍ ഏഴിന് തീയേറ്ററുകളില്‍ എത്തിയ ചിത്രമാണ് ഇനി ഉത്തരം. തീയേറ്ററുകളില്‍ നിന്ന് മികച്ച അഭിപ്രായം നേടാന്‍ ചിത്രത്തിന് സാധിച്ചിരുന്നു. സുധീഷ് രാമചന്ദ്രനാണ് ചിത്രം സംവിധാനം ചെയ്തത്.
മലയാള സിനിമയില്‍ ത്രില്ലര്‍ ഇന്‍സ്റ്റിഗേഷന്‍ ജോണര്‍ സിനിമകളില്‍ പുതിയ ട്രീറ്റ്‌മെന്റ് രീതി പരീക്ഷിക്കപ്പെട്ട സിനിമ കൂടിയാണ് ഇനി ഉത്തരം. റിപ്പോര്‍ട്ടുകള്‍ അനുസരിച്ച് ആദ്യ ഭാഗത്തില്‍ ഈ സിനിമ അവസാനിക്കുന്നില്ല, ചിത്രത്തിന് അടുത്ത ഭാഗം കൂടി വരും. മലയാളത്തില്‍ സ്ത്രീകഥാപാത്രം മുഖ്യമായി വരുന്നൊരു സിനിമയ്ക്ക് രണ്ടാം ഭാഗം വരുന്നത് ഇതാദ്യമായാകും. ഹരീഷ് ഉത്തമന്‍, കലാഭവന്‍ ഷാജോണ്‍, അപര്‍ണ്ണ ബാലമുരളി എന്നിവരാണ് മികച്ച പെര്‍ഫോമന്‍സുമായി പ്രേക്ഷകരെ ചിത്രത്തിനൊപ്പം സഞ്ചരിപ്പിക്കുന്നത്.
ഹരീഷ് ഉത്തമന്‍ മലയാളത്തില്‍ ഇതുവരെ അവതരിപ്പിച്ച കഥാപാത്രങ്ങളില്‍ വളരെയധികം വ്യത്യസ്തതമായ കഥാപാത്രസൃഷ്ടിയാണ് അദ്ദേഹത്തിന് ലഭിച്ച പോലീസ് വേഷം. അതിനൊരു തുടര്‍ച്ച ഉണ്ടാകുമ്പോള്‍ സ്‌ക്രീനില്‍ അഭിനയ മികവിന്റെ മായാജാലം തന്നെ കാണാന്‍ സാധിക്കുമെന്ന് പ്രതീക്ഷിക്കാം.
അപര്‍ണ ബാലമുരളി, ഹരീഷ് ഉത്തമന്‍, ചന്തുനാഥ്, സിദ്ധാര്‍ത്ഥ് മേനോന്‍, സിദ്ദിഖ്, ജാഫര്‍ ഇടുക്കി, ഷാജു ശ്രീധര്‍, ജയന്‍ ചേര്‍ത്തല, ബിനീഷ് പി, ഭാഗ്യരാജ് തുടങ്ങിയവരാണ് ഇനി ഉത്തരത്തിലെ പ്രധാന അഭിനേതാക്കളായി എത്തുന്നത്. എ&വി എന്റര്‍ടൈന്‍മെന്റിന്റെ ബാനറില്‍ വരുണ്‍, അരുണ്‍ എന്നീ സഹോദരങ്ങളാണ് ഇനി ഉത്തരം നിര്‍മ്മിച്ചിരിക്കുന്നത്. ഛായാഗ്രഹണം രവിചന്ദ്രന്‍ നിര്‍വ്വഹിക്കുന്നു.
വിനായക് ശശികുമാര്‍ എഴുതിയ വരികള്‍ക്ക് ഹൃദയത്തിന് സംഗീതം നല്‍കിയ ഹിഷാം അബ്ദുല്‍ വഹാബ് സംഗീതം നിര്‍വഹിക്കുന്നു. എ ആന്‍ഡ് വി എന്റര്‍ടെയ്ന്‍മെന്റിന്റെ ബാനറില്‍ വരുണ്‍, അരുണ്‍ എന്നിവര്‍ ചേര്‍ന്ന് ചിത്രം നിര്‍മിക്കുന്നു. പ്രൊജക്റ്റ് ഡിസൈനര്‍ ആന്റ് മാര്‍ക്കറ്റിംങ്-ഒ20 സ്‌പെല്‍, എഡിറ്റിംഗ് ജിതിന്‍ ഡി കെ, പ്രൊഡക്ഷന്‍ കണ്‍ട്രോളര്‍ റിന്നി ദിവാകര്‍, റിനോഷ് കൈമള്‍, കലാസംവിധാനം അരുണ്‍ മോഹനന്‍, മേക്കപ്പ് ജിതേഷ് പൊയ്യ, വസ്ത്രാലങ്കാരം ധന്യ ബാലകൃഷ്ണന്‍, സ്റ്റില്‍സ് ജെഫിന്‍ ബിജോയ്, പരസ്യകല ജോസ് ഡോമനിക്, ഡിജിറ്റല്‍ പിആര്‍ഒ: വൈശാഖ് സി. വടക്കേവീട്. ചീഫ് അസോഷ്യേറ്റ് ഡയറക്ടര്‍ ദീപക് നാരായണ്‍.
