നവ്യ നായരും സൗബിന്‍ ഷാഹിറും കേന്ദ്ര കഥാപാത്രങ്ങളായി വരുന്ന പുതിയ ചിത്രം ‘പാതിരാത്രി’യുടെ പ്രമോഷന്‍ പരിപാടിക്കിടെ നടിയോട് മോശം പെരുമാറ്റം. പ്രമോഷന്റെ ഭാഗമായി കോഴിക്കോട് മാളിൽ എത്തിയ നടി നവ്യ നായരോട് മോശമായി പെരുമാറാൻ ശ്രമിച്ച ആളെ നടൻ സൗബിൻ സാഹിർ ഇടപെട്ട് തടയുകയായിരുന്നു.
തിരക്കിനിടെ നടിയോട് മോശമായി പെരുമാറാന്‍ ശ്രമിക്കുന്ന ഒരാളെ നടന്‍ തടയുന്നതായാണ് വീഡിയോയില്‍നിന്ന് മനസിലാവുന്നത്. താരങ്ങള്‍ മടങ്ങുമ്പോഴുള്ള തിരക്കിനിടെ നടിയെ ഒരാള്‍ സ്പര്‍ശിക്കാന്‍ ശ്രമിക്കുകയായിരുന്നു. നവ്യയ്ക്കുനേരെ നീണ്ട കൈ സൗബിന്‍ തടഞ്ഞു. തന്നെ സ്പര്‍ശിക്കാന്‍ ശ്രമിച്ച ആളെ രൂക്ഷമായി നടി നോക്കുന്നതായി വീഡിയോയില്‍ കാണാം.അപ്രതീക്ഷിതമായി തനിക്ക് നേരെ അതിക്രമം ഉണ്ടായപ്പോൾ രൂക്ഷമായ ഒരു നോട്ടത്തോടെയാണ് നവ്യ നായർ പ്രതികരിച്ചത്. നടി ആൻ അഗസ്റ്റിനും താരങ്ങള്‍ക്കൊപ്പം ഉണ്ടായിരുന്നു. ചുറ്റും സുരക്ഷാ ജീവനക്കാര്‍ ഉള്ളപ്പോള്‍ക്കൂടിയാണ് ഈ മോശം പെരുമാറ്റം നടന്നത്.
