സ്റ്റൈൽ മന്നൻ രജനികാന്തിനെയും, ഉലകനായകൻ കമൽ ഹാസനെയും എക്‌സിൽ അൺഫോളോ ചെയ്ത് സംവിധായകൻ ലോകേഷ് കനഗരാജ്. രണ്ട് ദിവസം മുൻപാണ് സിനിമയിൽ തന്റെ മാനസഗുരുവായി ലോകേഷ് കണക്കാക്കുന്നു എന്ന് പറഞ്ഞിട്ടുള്ള കമലിനെയും സാക്ഷാൽ രജനികാന്തിനെയും അദ്ദേഹം അൺഫോളോ ചെയ്തത്.
ഇന്ത്യന്‍ സിനിമയിലെ തന്നെ രണ്ട് സൂപ്പര്‍ താരങ്ങള്‍ ഒരുമിക്കുന്ന ഈ സിനിമയുടെ സംവിധാനം ലോകേഷ് കനകരാജ് ആയിരിക്കുമെന്നായിരുന്നു നേരത്തെ പുറത്തു വന്ന റിപ്പോര്‍ട്ടുകള്‍ പറഞ്ഞിരുന്നത്. എന്നാല്‍ ഇപ്പോള്‍ പുറത്ത് വന്നിരിക്കുന്ന വാര്‍ത്ത ഈ ചിത്രം സംവിധാനം ചെയ്യുന്നത് ലോകേഷ് കനകരാജ് അല്ലെന്നാണ്.
സിനിമയെക്കുറിച്ച് വിമാനത്താവളത്തില്‍ വച്ച് മാധ്യമപ്രവര്‍ത്തകരോട് രജനികാന്ത് തന്നെ സംസാരിച്ചിരുന്നു. താനും കമലും ഒരുമിക്കുന്ന സിനിമയുണ്ടാകുമെന്ന് പറഞ്ഞ രജനികാന്ത് പക്ഷെ ആരായിരിക്കും സംവിധാനം ചെയ്യുക എന്ന് തീരുമാനിച്ചിട്ടില്ലെന്നാണ് പറഞ്ഞത്.മാനഗരം എന്ന ചിത്രത്തിലൂടെ തമിഴ് സിനിമയിലേയ്ക്ക് കാലെടുത്തു വെച്ച ലോകേഷ് കനഗരാജ് കൈതി എന്ന ചിത്രത്തിലൂടെയാണ് തെന്നിന്ത്യയിലെ മുൻനിര സംവിധായകരിലൊരാളായി മാറുന്നത്. പിന്നീട് വിജയ്‌ക്കൊപ്പം ചെയ്ത മാസ്റ്റർ, ലിയോ എന്നീ ചിത്രങ്ങളും ലോകേഷിന്റെ വാണിജ്യ മൂല്യം ഉയർത്തി.
