ത്രീഡി സാങ്കേതിക വിദ്യയില് രാമായണ കഥയെ ആസ്പദമാക്കി ഓം റൗട്ട് ഒരുക്കുന്ന പ്രഭാസ് ചിത്രം ആദിപുരുഷിന്റെ ടീസര് പുറത്തിറക്കി. അയോധ്യയില് സരയൂ നദിക്കരയില് നടന്ന പ്രൗഢ ഗംഗീരമായ ചടങ്ങിലായിരുന്നു ടീസര് റിലീസ് ചെയ്തത്. പാന് ഇന്ത്യന് താരം പ്രഭാസിനൊപ്പം ചിത്രത്തിലെ നായിക കൃതി സനോന്, സംവിധായകന് ഓം റൗട്ട്, നിര്മ്മാതാക്കളായ ഭൂഷണ് കുമാര്, കൃഷ്ണ കുമാര് തുടങ്ങിയവരും ചടങ്ങില് പങ്കെടുത്തു.
ഓം റൗട്ട് – പ്രഭാസ് കൂട്ടുകെട്ടിലെ ആദ്യ ചിത്രമായ ആദിപുരുഷില് ശ്രീരാമനായാണ് പ്രഭാസ് എത്തുന്നത്. ചിത്രത്തില് രാവണനായി വേഷമിടുന്നത് ബോളിവുഡ് താരം സെയ്ഫ് അലിഖാന് ആണ്. കൃതി സനോന് ആണ് ചിത്രത്തിലെ നായിക. നടന് സണ്ണി സിംഗും ചിത്രത്തില് പ്രധാന വേഷത്തില് എത്തുന്നുണ്ട്.
ടി- സീരിയസ്, റെട്രോഫൈല്ബാനറില് ഭൂഷണ് കുമാറും കൃഷ്ണകുമാറും ഓം റൗട്ടും ചേര്ന്നാണ് നിര്മ്മിക്കുന്നത്. നന്മയുടെ വിജയത്തെ ചുറ്റിപ്പറ്റിയുള്ള ഇന്ത്യന് ഇതിഹാസത്തിന്റെ കഥയാണ് ചിത്രത്തിന്റെ പ്രമേയം. സാഹോയ്ക്കും രാധേശ്യാമിനും ശേഷം നിര്മ്മാതാവായ ഭൂഷണ് കുമാറുമായുള്ള പ്രഭാസിന്റെ മൂന്നാമത്തെ പ്രോജക്ടാണ്ആദിപുരുഷ്എന്ന ത്രിഡി ചിത്രം.
ഇന്ത്യന് സംസ്കാരത്തിന്റെ ഏറെ ജനപ്രീതിയുള്ള ഒരു അദ്ധ്യായത്തെ ആസ്പദമാക്കി ഒരുക്കുന്ന ചിത്രം ഹിന്ദിയിലും തെലുങ്കിലുമാണ് ചിത്രീകരിക്കുക. കൂടാതെ, തമിഴ്, മലയാളം, മറ്റു വിദേശഭാഷകളിലേക്കും ഡബ് ചെയ്ത ചിത്രം ജനുവരി 12 ന് പ്രദര്ശനത്തിനെത്തിക്കും. ഛായാഗ്രഹണം – ഭുവന് ഗൗഡ, സംഗീത സംവിധാനം – രവി ബസ്രുര്, എഡിറ്റിംഗ് -അപൂര്വ്വ മോടിവാലെ, ആഷിഷ് എം ഹത്രെ, സംഗീതം – അജയ്- അതുല്, പശ്ചാത്തല സംഗീതം – സഞ്ചിത് ബല്ഹാറ, അങ്കിത് ബല്ഹാറ.
