തിരുവനന്തപുരം: സംസ്ഥാനത്തെ ബാറുകൾ ഇന്ന് മുതൽ തുറന്ന് പ്രവർത്തിക്കും. ബാറുകളിൽ നിന്ന് ബിയറും വൈനും മാത്രം ആയിരിക്കും നൽകുക. പാർസലായി ആണ് ബിയറും വൈനും നൽകുന്നത്. മറ്റ് മദ്യങ്ങൾ നൽകുകയില്ല.
കഴിഞ്ഞ കുറേ ദിവസങ്ങളായി സംസ്ഥാനത്ത് ബാറുകൾ അടച്ചിട്ടിരിക്കുകയായിരുന്നു. ബിവറേജസ് കോർപറേഷൻ ഇവർക്ക് നൽകിയിരുന്ന വെയർഹൗസ് മാർജിൻ കൂട്ടിയതായിരുന്നു ഉടമകളുടെ പ്രതിഷേധത്തിന് കാരണം. എന്നാൽ ബിയറിൻ്റെയും വൈനിൻ്റെയും വെയർഹൗസ് മാർജിൻ നേരത്തെ വർധിപ്പിച്ചിരുന്നില്ല. ഒപ്പം ഇവയുടെ രണ്ടിൻ്റെയും കാലാവധി അവസാനിക്കാൻ പോവുകയാണ്. കാലാവധി അവസാനിച്ചാൽ ഇവ ഉപയോഗശൂന്യമാകും. ഈ സാഹചര്യത്തിലാണ് ബാറുകൾ തുറക്കാനുള്ള തീരുമാനത്തിലേക്ക് ബാർ ഉടമകൾ എത്തിയത്. പുതിയ സ്റ്റോക്കെടുക്കാനും തീരുമാനമായിട്ടുണ്ട്. എന്നാൽ മറ്റു മദ്യം വിൽക്കില്ല എന്ന പഴയ തീരുമാനത്തിൽ നിന്നും മാറ്റമില്ല എന്ന് ബാറുടമകൾ അറിയിച്ചു.
