മലപ്പുറം രണ്ടത്താണിയിലെ മലേഷ്യ ടെക്സ്‌റ്റൈയില്‍സ് എന്ന തുണിക്കട കത്തിനശിച്ചു. കവര്‍ച്ചയ്ക്ക് ശേഷം തീയിട്ടതെന്ന് കാടാമ്പുഴ പോലീസ് പറഞ്ഞു. കടയുടെ ഭിത്തി തുരന്ന നിലയിലായിരുന്നു. ഇന്ന് പുലര്‍ച്ചെ 3 മണിയോടെയാണ് സംഭവം. ഇരുനിലകളിലായി പ്രവര്‍ത്തിക്കുന്ന കട പൂര്‍ണമായും കത്തിനശിച്ചു. തിരൂരില്‍ നിന്നും രണ്ട് അഗ്നിശമനസേന യൂണിറ്റുകള്‍ എത്തിയാണ് തീയണച്ചത്. രണ്ടത്താണി സ്വദേശി മൂര്‍ക്കത്ത് സലീമിന്റേതാണ് തുണിക്കട. സംഭവത്തില്‍ കാടാമ്പുഴ പോലീസ് അന്വേഷണം ആരംഭിച്ചു.
