റഷ്യന്‍ സ്ഥാപനങ്ങളുമായി സാമ്പത്തിക ഇടപാടുകള്‍ നിര്‍ത്തിവെച്ച് സ്റ്റേറ്റ് ബാങ്ക് ഓഫ് ഇന്ത്യ. അന്താരാഷ്ട്ര തലത്തില്‍ റഷ്യയ്ക്കെതിരെ ഉപരോധം ഏര്‍പ്പെടുത്തിയതിന് പിന്നാലെയാണ് റഷ്യന്‍ സ്ഥാപനങ്ങളുമായുള്ള ഇടപാടുകള്‍ക്ക് എസ്ബിഐ നിയന്ത്രണം ഏര്‍പ്പെടുത്തിയത്.
ഇതുസംബന്ധിച്ച് എസ്ബിഐ ഔദ്യോഗികമായ സ്ഥിരീകരണം ഇതേവരെ നടത്തിയിട്ടില്ല. അതേസമയം, ബാങ്കുകള്‍, തുറമുഖങ്ങള്‍, സ്ഥാപനങ്ങള്‍ തുടങ്ങിയവയായി ബന്ധപ്പെട്ട എല്ലാ ഇടപാടുകളും എസ്ബിഐ സ്തംഭിപ്പിച്ചതായാണ് വിവരം.
റഷ്യ- യുക്രെയിന്‍ യുദ്ധം ആറാം ദിവസത്തില്‍ എത്തിനില്‍ക്കുമ്പോള്‍ വിഷയത്തില്‍ ആരുടെ പക്ഷത്താണെന്ന് ഇന്ത്യ നിലപാട് കൈകൊണ്ടിട്ടില്ലെങ്കിലും സംഘര്‍ഷം അവസാനിപ്പിക്കണമെന്ന് ഇന്ത്യ ആവശ്യപ്പെട്ടിരുന്നു.
