തൊടുപുഴ: ഇസ്രായേലില്‍ കുടുങ്ങിയിരിക്കുന്ന 65 നഴ്‌സുമാരെ ഉടന്‍ നാട്ടില്‍ തിരികെ എത്തിക്കണമെന്ന് ആവശ്യപ്പെട്ട് ഡീന്‍ കുര്യാക്കോസ് എം പി. കേന്ദ്ര വിദേശകാര്യ മന്ത്രി എസ്. ജയശങ്കറിനും ഇസ്രായേല്‍ ഇന്‍ഡ്യന്‍ അംബാസിഡര്‍ സഞ്ചീവ് കുമാര്‍ സിംഗ്ലയ്ക്കും കത്ത് നല്‍കി. കഴിഞ്ഞ ദിവസം വിദേശകാര്യ മന്ത്രി ശ്രീ എസ്. ജയശങ്കറിനെ ഫോണില്‍ ബന്ധപ്പെടുകയും ഇസ്രായേലില്‍ കുടുങ്ങിയിരിക്കുന്ന 65 ഓളം വരുന്ന മലയാളി നഴ്‌സുമാര്‍ നേരിട്ട് കൊണ്ടിരിക്കുന്ന പ്രശ്‌നങ്ങള്‍ ബോധിപ്പിക്കുകയും, ഇവര്‍ക്ക് അടിയന്തിര സഹായമെത്തിക്കണമെന്ന് ആവശ്യപ്പെടുകയും പ്രശ്‌നം ഉടന്‍ പരിഹരിക്കുമെന്ന് എന്ന് മന്ത്രി ഉറപ്പു നല്‍കിയതായും എം പി അറിയിച്ചു.
