ബംഗളൂരു: ലോക്സഭയിലും രാജ്യസഭയിലും ഭൂരിപക്ഷം ഉറപ്പായാല്‍ ഭരണഘടന മാറ്റിയെഴുതുമെന്ന് ബിജെപി എംപി അനന്ത് കുമാർ ഹെഗ്ഡെ.ഹിന്ദുസമൂഹത്തിന് തിരിച്ചടിയാകുന്ന തരത്തിലുള്ള പല മാറ്റങ്ങളും കോണ്‍ഗ്രസ് ഭരണഘടനയില്‍ കൊണ്ടുവന്നു. ഇതെല്ലാം തിരുത്തിയെഴുതാൻ ഇരു സഭകളിലും നല്ല ഭൂരിപക്ഷം വേണമെന്നും അദ്ദേഹം പറഞ്ഞു.
ലോക്സഭയില്‍ ബിജെപിക്ക് നിലവില്‍ മൂന്നില്‍ രണ്ട് ഭൂരിപക്ഷമുണ്ട്. രാജ്യസഭയില്‍ ഭൂരിപക്ഷമുറപ്പിക്കാൻ കുറച്ച്‌ സീറ്റുകളുടെ കുറവുണ്ട്. രാജ്യസഭയില്‍ ഭൂരിപക്ഷമുറപ്പിക്കാൻ വിവിധ സംസ്ഥാന നിയമസഭകളില്‍ കൂടുതല്‍ അംഗങ്ങള്‍ വേണമെന്നും ഉത്തരകന്നഡയിലെ എംപിയായ അനന്ത് കുമാർ ഹെഗ്ഡെ പറഞ്ഞു.
