പാലക്കാട്: സ്കൂള്‍വാനിനു പിന്നില്‍ സ്വകാര്യബസിടിച്ച്‌ രണ്ടു വിദ്യാർഥികള്‍ക്ക് പരിക്ക്. പാലക്കാട് മനിശേരിയില്‍ ഇന്നുരാവിലെയാണ് സംഭവം.
രാവിലെ വിദ്യാർഥികളുമായി സ്കൂളിലേക്ക് പോകുകയായിരുന്ന മാന്നന്നൂർ എയുപി സ്കൂളിന്‍റെ വാനാണ് അപകടത്തില്‍പെട്ടത്. ഒറ്റപ്പാലം- ഷൊർണൂർ റോഡില്‍ സർവീസ് നടത്തുന്ന സ്വകാര്യബസാണ് വാനില്‍ ഇടിച്ചത്.
പരിക്കേറ്റ വിദ്യാർഥികളെ സമീപത്തെ സ്വകാര്യആശുപത്രിയില്‍ പ്രവേശിപ്പിച്ചു. ഇവരുടെ പരിക്ക് ഗുരുതരമല്ല. ബസ് ഡ്രൈവറുടെ അശ്രദ്ധയാണ് അപകടത്തിനു കാരണമെന്നാണ് ദൃക്സാക്ഷികള്‍ പറയുന്നത്.
