തൃശ്ശൂര്: എറവില് ആംബുലന്സും മൂന്നര വയസുകാരനുമായി ആശുപത്രിയില് പോയശേഷം വീട്ടിലേക്ക് മടങ്ങിയ കുടുംബം സഞ്ചരിച്ച ഓട്ടോ ടാക്സിയും കൂട്ടിയിടിച്ച് ഒരാള് മരിച്ചു. ഓട്ടോ ടാക്സി ഓടിച്ച ചളിങ്ങാട് സ്വദേശി ജിത്തുവാണ് മരിച്ചത്. ജിത്തുവിന്റെ ഭാര്യ നീതു, മൂന്നരവയസുള്ള കുട്ടി, നീതുവിന്റെ അച്ഛന് കണ്ണന് എന്നിവരെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. രോഗിയുമായി തൃശ്ശൂര് ഭാഗത്തേക്കുപോയ ആംബുലന്സ് ഓട്ടോ ടാക്സിയില് ഇടിക്കുകയായിരുന്നു. പുലര്ച്ചെ രണ്ടിനാണ് അപകടമുണ്ടായത്.
ഓട്ടോ ടാക്സി ഓടിച്ചിരുന്ന ജിത്തു അപകടസ്ഥലത്തുതന്നെ മരിച്ചു. തൃശ്ശൂരിലെ സ്വകാര്യ മെഡിക്കല് കോളേജിലാണ് കണ്ണനും നീതുവും മൂന്നര വയസുള്ള കുട്ടിയും ചികിത്സയില് കഴിയുന്നത്. അപകടത്തില് ഓട്ടോ ടാക്സി പൂര്ണമായും തകര്ന്നു. അതില്നിന്ന് ഏറെ ബുദ്ധിമുട്ടിയാണ് നാട്ടുകാര് യാത്രക്കാരെ പുറത്തെടുത്ത് ആശുപത്രിയിലെത്തിച്ചത്.
