അധ്യാപക നിയമനത്തില് കെ-ടെറ്റ് യോഗ്യത പരീക്ഷയില് നിലനിര്ത്തിയ ഇളവുകള് പിന്വലിച്ചു. എം.എഡ്, സെറ്റ്, നെറ്റ്, എം ഫില്, പിഎച്ച്ഡി നേടിയവര്ക്ക് ഇളവുകള് നല്കിയിരുന്ന ഉത്തരവാണ് പൊതുവിദ്യാഭ്യാസ വകുപ്പ് പിന്വലിച്ചത്.
അധ്യാപകര്ക്കുള്ള യോഗ്യത പരീക്ഷയായ കെ-ടെറ്റ് വിജയിച്ചാല് മാത്രമെ ഇനി സര്ക്കാര്, എയ്ഡഡ് സ്ഥാപനങ്ങളില് അധ്യാപക നിയമനം ലഭിക്കു. ഒടുവില് സുപ്രീംകോടതി വിധി അംഗീകരിക്കാന് പൊതുവിദ്യാഭ്യാസ വകുപ്പ് തയ്യാറായി. എം.എഡ്, സെറ്റ്, നെറ്റ്, എം ഫില്, പിഎച്ച്ഡി നേടിയവര്ക്ക് കെ- ടെറ്റ് വേണ്ടെന്ന വ്യവസ്ഥ റദ്ദാക്കി കഴിഞ്ഞ ദിവസം പൊതുവിദ്യാഭ്യാസ വകുപ്പ് ഉത്തരവ് ഇറക്കിയിരുന്നു.
