ഭരണതുടർച്ച ലഭിച്ചാൽ കേരളത്തിലെ ദാരിദ്ര്യം പൂർണമായും ഇല്ലാതാക്കും- എം.വി. ഗോവിന്ദൻ
പള്ളുരുത്തി: അതിദാരിദ്ര്യം അവസാനിപ്പിച്ച ഒരേയൊരു സംസ്ഥാനമാക്കി കേരളത്തെ മാറ്റിയത് ഇടതുമുന്നണി സർക്കാരാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു. പള്ളുരുത്തിയിൽ എൽഡിഎഫിന്റെ തിരഞ്ഞെടുപ്പ് റാലി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇതിന്റെ തുടർച്ചയായി കേരളത്തിലെ ദാരിദ്ര്യവും പൂർണമായി ഇല്ലാതാക്കാനാണ് എൽഡിഎഫ് സർക്കാരിന്റെ തീരുമാനം. അതിന്റെ ഭാഗമായാണ് 62 ലക്ഷം ആളുകളുടെ പെൻഷൻ വർധിപ്പിച്ചുകൊണ്ട് തീരുമാനമെടുത്തതെന്നും അദ്ദേഹം പറഞ്ഞു.
