ഇയ്യാല്- ചിറനെല്ലൂരിലെ ജനങ്ങള്ക്കാവശ്യമായ വില്ലേജ് സേവനങ്ങള് ഇനി സ്മാര്ട്ടാകും. ആധുനിക സൗകര്യങ്ങളോടെ ഇയ്യാല്- ചിറനെല്ലൂര് ഗ്രൂപ്പ് വില്ലേജ് ഓഫീസ് ഒരുങ്ങി.
റീബിള്ഡ് കേരള പദ്ധതിയില് ഉള്പ്പെടുത്തി 44 ലക്ഷം രൂപ ചെലവിലാണ് കെട്ടിട നിര്മാണം പൂര്ത്തീകരിച്ചത്. 1225 ചതുരശ്ര അടി വിസ്തീര്ണത്തിലാണ് കെട്ടിടം ഒരുക്കിയിട്ടുള്ളത്. ഫ്രണ്ട് ഓഫീസ്, വരാന്ത, വില്ലേജ് ഓഫീസര്ക്കുള്ള പ്രത്യേക മുറി, ഓഫീസ് സംവിധാനം, റെക്കോര്ഡ് റൂം, ഡൈനിങ്ങ് – മീറ്റിങ്ങ് ഹാള്, ഭിന്നശേഷി സൗഹ്യദ ടോയ്ലറ്റ്, പൊതു ടോയ്ലറ്റ് തുടങ്ങിയ സൗകര്യങ്ങളാണ് കെട്ടിടത്തിലുള്ളത്.
കാലപ്പഴക്കം വന്ന പഴയ വില്ലേജ് ഓഫീസ് കെട്ടിടം പൊളിച്ചാണ് ആധുനിക സൗകര്യങ്ങളോടെ പുതിയ സ്മാര്ട്ട് വില്ലേജ് ഓഫീസ് നിര്മിച്ചത്. സംസ്ഥാന നിര്മ്മിതി കേന്ദ്രത്തിനായിരുന്നു നിര്മ്മാണ ചുമതല. ആറുമാസം കൊണ്ട് കെട്ടിടത്തിന്റെ പണി പൂര്ത്തീകരിക്കാനും കഴിഞ്ഞു