മുവാറ്റുപുഴ: അന്നൂര് ദന്തല് കോളേജിന്റെയും ഇന്ത്യന് ഡെന്റല് അസോസിയേഷന് മലനാട് ബ്രാഞ്ചിന്റെയും ആഭിമുഖ്യത്തില് ”ഓറല് ഹൈജീന് ഡേ” യോടനുബന്ധിച്ചു ‘Dent-O-Fest 2019’ എന്ന പേരില് ദന്തല് എക്സിബിഷന് നടത്തുന്നു. അന്നൂര് ദന്തല് കോളേജില് വ്യാഴം വെള്ളി ദിവസങ്ങളിലാണ് എക്സിബിഷന് നടക്കുന്നത്. മുവാറ്റുപുഴയിലെയും പരിസര പ്രദേശങ്ങളിലെയും നാലായിരത്തോളം സ്കൂള് വിദ്യാര്ത്ഥികള്ക്കാണ് ഇതിന്റെ പ്രയോജനം ലഭ്യമാകുന്നതെന്ന് കോളേജ് അഡ്മിനിസ്ട്രേറ്റീവ് ചെയര്മാന് അഡ്വ. ടി .എസ് .റഷീദ് പറഞ്ഞു.
വ്യാഴാഴ്ച രാവിലെ 10 മണിക്ക് കോളേജ് ഓഡിറ്റോറിയത്തില് പെരുമ്പാവൂര് എം. എല്. എ. എല്ദോസ് കുന്നപ്പിള്ളി എക്സിബിഷന് ഉദ്ഘാടനം ചെയ്യും. എറണാകുളം കണ്സ്യൂമര് ഡിസ്പ്യൂട് റിഡ്രസ്സ്ല് ഫോറം പ്രസിഡന്റ് ജസ്റ്റീസ് ചെറിയാന് കുര്യാക്കോസ് മുഖ്യ പ്രഭാഷണം ചെയ്യും. വിവിധ ദന്തല്, മെഡിക്കല് വിഭാഗങ്ങളുടെ സ്റ്റാളുകളും ത്രീ ഡി മോഡലുകളും, അവതരണങ്ങളും ദന്തല് കിറ്റ് വിതരണവും ഉണ്ടായിരിക്കുന്നതാണ്. നാലാം ക്ലാസ് മുതല് എട്ടാം ക്ലാസ് വരെയുള്ള സ്കൂള് കുട്ടികളെയാണ് പ്രധാനമായി ഉള്പ്പെടുത്തിയിട്ടുള്ളത്. ഓരോ സ്കൂളുകള്ക്കും സമയം ക്രമീകരിച്ചു കൊടുത്തിട്ടുള്ളതു പ്രകാരം രണ്ടു ദിവസങ്ങളിലായി എക്സിബിഷന് നടത്തുന്നത്. വിശദമായ ദന്ത പരിശോധനയും തുടര് ചികിത്സാ സൗകര്യങ്ങളും ലഭിക്കുന്നതാണ്. വിവിധ നൂതന ദന്ത ചികിത്സാ രീതികളുടെ പ്രദര്ശനവും, വിദഗ്ധരുടെ ദന്ത രോഗ ബോധവത്കരണ ക്ലാസ്സുകളും, ഷോര്ട് ഫിലിം പ്രദര്ശനവും, ഫണ് ഗെയിമുകളും, മത്സരങ്ങളും, മത്സര വിജയികള്ക്ക് ഉണ്ടായിരിക്കുന്നതാണെന്ന് പത്ര സമ്മേളനത്തില് കോളേജ് പ്രിന്സിപ്പാള് ഡോ. ജിജു ജോര്ജ് ബേബി, സ്റ്റുഡന്റ്സ് ഡീന് ഡോ. ജോസ് പോള് എന്നിവരും പങ്കെടുത്തു.