പുതുപ്പള്ളി: ഉമ്മന്‍ചാണ്ടിയെ വേട്ടയാടിയത് മതിയാക്കാറായില്ലേ എന്ന് ചാണ്ടി ഉമ്മന്‍. ഉമ്മന്‍ചാണ്ടിയുടെ ഓര്‍മ്മകളെ പോലും വേട്ടയാടുകയാണ് ഒരുകൂട്ടര്‍. തിരഞ്ഞെടുപ്പ് വരും പോകും. കുടുംബത്തെ അപമാനിക്കുന്നത് നിര്‍ത്തിക്കൂടെയെന്നും ചാണ്ടി ഉമ്മന്‍ ചോദിച്ചു. എം എം മണി എംഎല്‍എയുടെ ആരോപണത്തിന് മറുപടി നല്‍കുകയായിരുന്നു ചാണ്ടി ഉമ്മന്‍.
പിണറായി വിജയന്‍ മുഖ്യമന്ത്രിയാണ്. അദ്ദേഹത്തെ ആ ആദരവോടെ പ്രചാരണ രംഗത്തേക്ക് സ്വാഗതം ചെയ്യുന്നുവെന്നും ചാണ്ടി ഉമ്മന്‍ പറഞ്ഞു. വ്യക്തിപരമായ ആരോപണങ്ങള്‍ക്ക് കോണ്‍ഗ്രസ് ഇല്ലെന്നും ചാണ്ടി ഉമ്മന്‍ കൂട്ടിച്ചേര്‍ത്തു.
മണിയുടെ വാക്കുകള്‍
ഉമ്മന്‍ ചാണ്ടി മരിക്കാനായി കോണ്‍ഗ്രസ് നേതൃത്വം കാത്തിരുന്നു. ഉമ്മന്‍ചാണ്ടിക്ക് വേണ്ട ചികിത്സ നല്‍കാത്തവരാണ് കോണ്‍ഗ്രസ്സുകാര്‍. മാസപ്പടി വിവാദത്തില്‍ മുഖ്യമന്ത്രി മിണ്ടേണ്ട കാര്യമില്ല. പ്രതിപക്ഷത്ത് വിവരം ഇല്ലാത്തവരാണ്. അവരോട് ‘പോടാ പുല്ലേ’ എന്ന് പറഞ്ഞാല്‍മതി.
