ആലുവ: മുന് മന്ത്രിയുടെ ബന്ധുവായ ലീഗ് വിദ്യാര്ത്ഥിനേതാവ്
മദ്യസേവയില് ഏര്പ്പെട്ടിരിക്കുന്ന ചിത്രങ്ങള് സോഷ്യല് മീഡിയയില് വയറലായി. സംഭവം വിവാദമായതോടെ നേതാവിനെ നീക്കണമെന്നാവശ്യപ്പെട്ട് വിദ്യാര്ത്ഥി യുവജന നേതാക്കള് കൂട്ടത്തോടെ നേതൃത്തവത്തിന് പരാതി നല്കി.ഇതോടെ ശാസനയിലൊതുക്കി നേതാവിന്റെ മുഖം രക്ഷിക്കാന് മന്ത്രിയും മകനും രംഗത്തിറങ്ങി.
♦രക്ഷിക്കന് മുന് മന്ത്രിയും മകനും
എം.എസ്.എഫ് ജില്ലാ എറണാകുളം പ്രസിഡന്റും ആലങ്ങാട് ബ്ലോക്ക് പഞ്ചായത്ത് അംഗവുമായ ഷഹബാസ് കാട്ടിലാനെതിരെയാണ് സമൂഹ മാധ്യമങ്ങളില് മദ്ധ്യസേവയുടെ ചിത്രങ്ങള് വയറലായി കൊണ്ടിരിക്കുന്നത്. എം.എസ്.എഫ് സംസ്ഥാന നേതൃയോഗം ആലപ്പുഴയില് ശനിയാഴ്ച നടക്കുകയാണ്. ഈയോഗത്തില് മദ്ധ്യ സേവ വിവാദം ചര്ച്ചയാവാതിരിക്കാന് മന്ത്രിയും മകനും നേരിട്ട് രംഗത്തിറങ്ങിയിട്ടുണ്ട്.
♦പരാതി ഇങ്ങനെ
മുസ്ലിം ലീഗ് എന്ന പ്രസ്ഥാനത്തിന് സമൂഹ മദ്യത്തില് ഉള്ള മൂല്യത്തിന് കോട്ടം വരുത്തുന്ന നിലയിലുള്ള നേതാക്കളുടെ ഇത്തരം സംഭവങ്ങള് ഒരു തരത്തിലും അംഗീകരിക്കാന് പറ്റാത്തതാണന്ന് പരാതിയില് പരയുന്നു. മാത്രവുമല്ല മുസ്ലിം സമൂഹത്തില് സംഘടനക്കുള്ള മതിപ്പ് ഇല്ലായ്മ്മപ്പെടുത്തുന്ന ഇത്തരം പ്രവര്ത്തനങ്ങള് നടത്തുന്നവരെ സംഘടനയില് നിന്ന് പുറത്താക്കണമെന്നും ഇത് സംബന്ധിച്ച് ജില്ലനേതാക്കള് ഉന്നത നേതൃത്വങ്ങള്ക്ക് നല്കിയ പരാതിയില് പറയുന്നു.
♦പരാതി പാണക്കാടെത്തി
ഇതിനിടെ പരാതി ശാസനയിലൊതുക്കാനുള്ള മുസ്ലീം ലീഗ് ജില്ലാ ഭാരവാഹികളുടെ നീക്കത്തിെേനതിരെ എം.എസ്.എഫ് ജില്ലാഭാരവാഹികള് പാണക്കാടെത്തി പരാതി നല്കിയതായും സൂചനയുണ്ട്.
♦നടപടിയെടുക്കുമെന്ന് ലീഗ് നേതൃത്വം
അതെ സമയം മദ്ധ്യസേവ വിവാദത്തില് കുറ്റക്കാര്ക്കെതിരെ നടപടിയെടുക്കുമെന്ന് ലീഗ് നേതൃത്വം പ്രതീകരിച്ചു. സംഭവത്തെ ഗ്രൂപ്പുപോരെന്ന് പറഞ്ഞ് ലഘൂകരിക്കാനുള്ള നീക്കവും സജീവമാണ്. ജില്ലയില് ഇബ്രാഹിംകുഞ്ഞ് പക്ഷത്തെ പ്രമുഖനാണ് ഷഹബാസ് കാട്ടിലാന്.