തിരുവനന്തപുരം: വട്ടിയൂര്ക്കാവിലെ പ്രചാരണപ്രവര്ത്തനങ്ങളില് കോണ്ഗ്രസ് നേതാക്കള് സജീവമാകാത്തതിലെ അതൃപ്തി പരസ്യമായി വെളിപ്പെടുത്തി സ്ഥാനാര്ത്ഥി കെ.മോഹന്കുമാര്. തന്റെ തിരഞ്ഞെടുപ്പ് പ്രചാരണങ്ങളില് നിന്ന് നേതാക്കള് വിട്ടുനില്ക്കുകയാണെന്ന് അദ്ദേഹം ആരോപിച്ചു. മണ്ഡലത്തില് നേതാക്കള് സജീവമല്ല. താഴെത്തട്ടിലുള്ള പ്രവര്ത്തനങ്ങളും സജീവമല്ല. കെ മുരളീധരനും ശശി തരൂരും പ്രചാരണത്തിന് എത്തിയില്ല. എതിര് സ്ഥാനാര്ത്ഥികളുടെ പണമെറിഞ്ഞുള്ള പ്രചാരണങ്ങളില് പിടിച്ചുനില്ക്കാന് സാധിക്കുന്നില്ലെന്നും മോഹന്കുമാര് ആരോപിച്ചു.
പാലാ ഉപതിരഞ്ഞെടുപ്പ് ഫലം ഉള്ക്കൊണ്ട് വരും ദിവസങ്ങളില് നേതാക്കള് കുറച്ചുകൂടി ഗൗരവത്തോടെ ഇറങ്ങുമെന്നാണ് പ്രതീക്ഷയെന്നും മോഹന്കുമാര് പറഞ്ഞു.
ശശിതരൂര് പ്രചാരണത്തിനെത്താത്തത് ബി.ജെ.പിയെ സഹായിക്കാനാണെന്ന് കടകംപള്ളി സുരേന്ദ്രനും ആരോപണം ഉന്നയിച്ചിരുന്നു. താന് പറഞ്ഞയാളെ സ്ഥാനാര്ത്ഥിയാക്കത്തതിനെ തുടര്ന്ന് മുന് എം.എല്.എ കെ മുരളീധരനും പ്രചാരണരംഗത്ത് സജീവമായില്ല