കത്ത് വിവാദത്തില്‍ മേയര്‍ ആര്യ രാജേന്ദ്രന്റെ രാജി ആവശ്യപ്പെട്ട് തിരുവനന്തപുരം നഗരസഭയില്‍ യുവമോര്‍ച്ചയുടെ ഉപരോധം. നഗരസഭാ ഗേറ്റുകള്‍ യുവമോര്‍ച്ചാ പ്രവര്‍ത്തകര്‍ ഉപരോധിച്ചതോടെ കോര്‍പ്പറേഷന്‍ ജീവനക്കാര്‍ക്ക് അകത്ത് കടക്കാനായില്ല. പ്രവേശന കവാടങ്ങള്‍ ഉപരോധിച്ച് പ്രതിഷേധം നടന്നു.
ഇതോടെ ജീവനക്കാരുമായി വാക്കേറ്റവുമുണ്ടായി. ആരെയും കോര്‍പറേഷനിലേക്ക് കടത്തിവിടില്ലെന്ന നിലപാടിലായിരുന്നു യുവമോര്‍ച്ച പ്രവര്‍ത്തകര്‍. ഇതോടെ പൊലീസ് ഇടപെട്ട് കോര്‍പറേഷന് പിറകിലെ ഗേറ്റ് ഉപരോധിച്ചവരെ അറസ്റ്റ് ചെയ്ത് നീക്കി.
നഗരസഭയുടെ പ്രധാനപ്പെട്ട പ്രവേശന കവാടമായ മൂന്ന് ഗേറ്റുകളും ഉപരോധിച്ചു. എന്നാല്‍ പിന്‍ഭാഗത്തെ കവാടത്തില്‍ പ്രതിഷേധിച്ച പ്രവര്‍ത്തകരെ പൊലീസ് അറസ്റ്റ് ചെയ്തുമാറ്റി. ഈ ഗേറ്റ് വഴി മേയറും ജീവനക്കാര്‍ ഉള്‍പ്പെടയുള്ളവരെ നഗരസഭയ്ക്ക് അകത്തേക്ക് കയറ്റി. പ്രധാനപ്പെട്ട രണ്ട് പ്രവേശന കവാടങ്ങളില്‍ ഇപ്പോഴും പ്രതിഷേധം തുടരുകയാണ്
