ഇന്ന് വിജയദശമി. സംസ്ഥാനത്തെ വിവിധ ക്ഷേത്രങ്ങളില് ഇന്ന് കുരുന്നുകള് ആദ്യാക്ഷരം കുറിക്കും. ദേവീ ക്ഷേത്രങ്ങളില് വിശേഷാല് പൂജയും മറ്റ് ചടങ്ങുകളും ഉണ്ടാകും. വിജയ ദശമി ദിവസമാണ് കേരളത്തില് കുരുന്നുകള് ആദ്യാക്ഷരം കുറിച്ച് അറിവിന്റെ ലോകത്തേക്ക് കടക്കുന്നത്. എഴുത്തിനിരുത്ത് എന്നാണ് ഇതറിയപ്പെടുന്നത്.
അത്യധികം ശുഭകരമായ ദിനമായതിനാല് വിജയദശമി ദിനത്തില് വിദ്യാരംഭത്തിന് പ്രത്യേക മുഹൂര്ത്തം ആവശ്യമില്ല. വിദ്യാരംഭത്തിനു മുമ്പ് വിജയദശമിയോളം വിശേഷമായി മറ്റൊരു നാളില്ല. നവരാത്രി ആഘോഷങ്ങളുടെ അവസാന ദിവസമാണ് വിജയദശമിയായി ആഘോഷിക്കുന്നത്. കേരളത്തിലെ വിജയ ദശമി ദസറ ഉത്സവമായാണ് ഉത്തരേന്ത്യയില് ആഘോഷിക്കുന്നത്.
