ന്യൂഡല്‍ഹി: ലോക്സഭയിലെ സുരക്ഷ വീഴ്ചയില്‍ ഡല്‍ഹി പോലീസില്‍നിന്നു വിശദീകരണം തേടി ആഭ്യന്തരമന്ത്രാലയം. പാര്‍ലമെന്‍റിനകത്ത് രണ്ടു പേര്‍ അതിക്രമിച്ച്‌ കയറിയതിനെ തുടര്‍ന്നാണ് ആഭ്യന്തരമന്ത്രാലയം വിശദീകരണം തേടിയത്.
സന്ദര്‍ശക ഗാലറിയില്‍ നിന്നാണ് രണ്ടു പേര്‍ ലോക്സഭയുടെ നടുത്തളത്തിലേക്ക് ചാടിയത്. എംപിമാരുടെ സീറ്റിന് മുകളിലൂടെ ഓടിയ സാഗര്‍ ശര്‍മ എന്നയാളാണ് കളര്‍ സ്പ്രേ ഉപയോഗിച്ചത്.
സംഭവത്തില്‍ ഒരു സ്ത്രീ ഉള്‍പ്പെടെ നാലു പേരാണ് കസ്റ്റഡിയിലായത്. രണ്ടു പേര്‍ പുറത്താണ് പ്രതിഷേധം നടത്തിയത്.
