കോട്ടയം: ശബരിമലയിലെ തിരക്ക് നിയന്ത്രിക്കാന് കഴിയാത്തതിന് പ്രധാന കാരണം കെടുകാര്യസ്ഥതയാണെന്ന് എന്എസ്എസ് ജനറല് സെക്രട്ടറി ജി സുകുമാരന് നായര്.ഇപ്പോഴുള്ള അത്രയും ആളുകള് മുന്പും ദര്ശനം നടത്തി ബുദ്ധിമുട്ടില്ലാതെ മടങ്ങിയിട്ടുണ്ട്. പ്രശ്നങ്ങള്ക്കു കാരണം പരിചയസമ്ബന്നരായ ഉദ്യോഗസ്ഥരുടെ അഭാവമാണ്. കാര്യക്ഷമതയും അനുഭവസമ്ബത്തുമുള്ള ഉദ്യോഗസ്ഥരെ ശബരിമലയില് നിയോഗിച്ചാല് ഇപ്പോള് ഭക്തജനങ്ങള് അനുഭവിക്കുന്ന കഷ്ടപ്പാടിനു പരിഹാരം കാണാന് കഴിയും. അതിനു സര്ക്കാരും ദേവസ്വം ബോര്ഡും നടപടിയെടുക്കണമെന്നും സുകുമാരന് നായര് ആവശ്യപ്പെട്ടു.
പതിനെട്ടാംപടി കയറുന്ന ഭക്തജനങ്ങളെ സഹായിക്കാനോ നിയന്ത്രിക്കാനോ പറ്റിയ സംവിധാനം ഇപ്പോഴില്ല. ഒരു മിനിറ്റില് 90 പേരോളം പതിനെട്ടാംപടി കയറിയിരുന്ന സ്ഥാനത്ത് ഇപ്പോള് 50-60 പേര്ക്കു മാത്രമേ കയറാന് കഴിയുന്നുള്ളൂ. ഇതാണു പ്രശ്നത്തിനു പ്രധാന കാരണം സുകുമാരന് നായര് പറഞ്ഞു.