കൊച്ചി: നവകേരള സദസില് വിദ്യാര്ഥികളെ പങ്കെടുപ്പിക്കില്ലെന്ന് സര്ക്കാര് ഹൈക്കോടതിയില്. കുട്ടികളെ പങ്കെടുപ്പിക്കണമെന്ന് ആവശ്യപ്പെട്ട് വിദ്യാഭ്യാസ വകുപ്പ് ഇറക്കിയ ഉത്തരവ് തിങ്കളാഴ്ച പിൻവലിക്കുമെന്നും സര്ക്കാര് കോടതിയെ അറിയിച്ചു.
നവകേരള സദസിന് ആളുകളെ എത്തിക്കാൻ സ്കൂള് ബസുകള് വിട്ടുനല്കണമെന്ന് നിര്ദേശം നല്കിയ പൊതുവിദ്യാഭ്യാസ ഡയറക്ടറുടെ ഉത്തരവും ഉടനെ പിൻവലിക്കും.
സ്കൂള് ബസുകള് വിട്ടുനല്കണമെന്നു നിര്ദേശം നല്കിയ പൊതുവിദ്യാഭ്യാസ ഡയറക്ടറുടെ ഉത്തരവ് ചോദ്യം ചെയ്തു കാസര്ഗോഡ് കോട്ടോടി സ്വദേശി ഫിലിപ്പ് ജോസഫ് നല്കിയ ഹര്ജി പരിഗണിച്ചപ്പോഴാണ് സര്ക്കാര് നിലപാട് അറിയിച്ചത്. സര്ക്കാരിന്റെ ഉറപ്പ് ജസ്റ്റീസ് ദേവൻ രാമചന്ദ്രൻ രേഖപ്പെടുത്തി.
