തിരുവില്വാമലയില്‍ കൂട്ട ആത്മഹത്യക്ക് ശ്രമിച്ച രണ്ടുപേര്‍ മരിച്ചു. തിരുവില്വാമല ഒരലാശേരി സ്വദേശി ശാന്തി(43), മകന്‍ രാഹുല്‍ (7 )എന്നിവരാണ് മരിച്ചത്. ഗുരുതരമായി പൊള്ളലേറ്റ ശാന്തിയുടെ ഭര്‍ത്താവ് ഒരലാശേരി ചോലക്കോട്ടില്‍ രാധാകൃഷ്ണനും(47) മൂത്ത മകന്‍ കാര്‍ത്തികും (14) ചികിത്സയിലാണ്.
സാമ്പത്തിക ബാധ്യതയെ തുടര്‍ന്നാണ് കുടുംബത്തിലെ നാലുപേര്‍ ആത്മഹത്യ ക്ക് ശ്രമിച്ചത്. തൃശൂര്‍ മെഡിക്കല്‍ കോളജില്‍ വെച്ചാണ് അമ്മയും മകനും മരിച്ചത്.
ഇന്ന് പുലര്‍ച്ചെയാണ് മണ്ണണ്ണെ ഒഴിച്ച് നാലു പേരും ആത്മഹത്യക്ക് ശ്രമിച്ചത്. അടുക്കള ഭാഗത്ത് നിന്നാണ് തീകൊളുത്തിയത്. വീട്ടില്‍ നിന്ന് തീയും പുകയും ഉയരുന്നത് കണ്ട നാട്ടുകാര്‍ ഓടിയെത്തിയപ്പോള്‍ കണ്ടത് പൊള്ളലേറ്റ നാലു പേരെയുമാണ്. ഇവരെ നാട്ടുകാരാണ് ആശുപത്രിയില്‍ എത്തിച്ചത്. ആസമയത്ത് നാലു പേര്‍ക്കും ജീവനുണ്ടായിരുന്നു. പൊലീസ് അന്വേഷണം തുടങ്ങി.
