അറബിക്കടലില് ന്യൂനമര്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ് അറിയിച്ചു. ന്യൂനമര്ദം രൂപപ്പെട്ടതിന്റെ പശ്ചാത്തലത്തില് കേരളത്തില് ശക്തമായ മഴ അടുത്ത അഞ്ച് ദിവസം തുടരുമെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. ശക്തമായ കാറ്റും കടലാക്രമണത്തിനുമുള്ള സാധ്യത മുന്നില് കണ്ടുകൊണ്ടുള്ള മുന്നൊരുക്കങ്ങള് നടത്തേണ്ടതാണ്. കടല് അതിപ്രക്ഷുബ്ധമാകാന് സാധ്യതയുള്ളതിനാല് ഇനി ഒരു അറിയിപ്പുണ്ടാകുന്നത് വരെ കേരള തീരത്ത് നിന്ന് കടലില് പോകുന്നത് പൂര്ണ്ണമായി നിരോധിച്ചിരിക്കുകയാണ്.
