മലപ്പുറം : മലപ്പുറം ജില്ലാ പഞ്ചായത്ത് മെയ് 29ന് നിലമ്പൂര്‍ അമല്‍ കോളേജില്‍ വച്ച് നടത്തുന്ന തൊഴില്‍ മേളയില്‍ പങ്കെടുക്കാന്‍ രജിസ്റ്റര്‍ ചെയ്ത പതിനാലായിരത്തോളം വരുന്ന ഉദ്യോഗാര്‍ഥികള്‍ക്ക് ഈ മാസം 23 മുതല്‍ 26 വരെ ജില്ലയിലെ ഏഴു വിവിധ കേന്ദ്രങ്ങളിലായി ഗ്രൂമിംഗ് സെഷനുകള്‍ സംഘടിപ്പിക്കുന്നു. മലപ്പുറം ജില്ലയിലെ അഭ്യസ്തവിദ്യരായ യുവതീയുവാക്കള്‍ ഏറ്റവും മികച്ച രീതിയില്‍ തൊഴില്‍ ദാതാക്കളുടെ മുന്നില്‍ പ്രത്യക്ഷപ്പെടുന്നതിനു വേണ്ടിയാണ് ഇങ്ങനെയൊരു ഏകദിന പരിശീലനം വിദഗ്ധരുടെ സഹായത്തോടെ സംഘടിപ്പിക്കുന്നത്. ഓരോ ഉദ്യോഗാര്‍ത്ഥിയും ഏതെങ്കിലും ഒരു സെഷനില്‍ പങ്കെടുക്കേണ്ടത് നിര്‍ബന്ധമാണ്. സെഷനുകളില്‍ അഭിമുഖം എങ്ങനെ മെച്ചപ്പെടുത്താം, മികച്ച ബയോഡാറ്റ എങ്ങനെ തയ്യാറാക്കാം, ഏറ്റവും അനുയോജ്യമായ തൊഴിലവസരങ്ങള്‍ ഏതെല്ലാം മുതലായ വിഷയങ്ങള്‍ ആണ് പരിശീലിപ്പിക്കുന്നത്. കൂടാതെ ഉദ്യോഗാര്‍ത്ഥികള്‍ക്ക് പരമാവധി അഞ്ചു തസ്തികകളിലേക്കാണ് അഭിമുഖത്തില്‍ പങ്കെടുക്കാന്‍ അവസരം നല്‍കുന്നത്. ഇത് ഏത് ഒന്ന് തീരുമാനിച്ചു ഓണ്‍ലൈന്‍ വഴി ജോബ് മാച്ച് ചെയ്യേണ്ടതുണ്ട്. ഇതിനായുള്ള പരിശീലനവും ഇതോടൊപ്പം നല്‍കുന്നുണ്ട് .
ഇത്തരത്തില്‍ ജോബ് മാച്ച് ചെയ്തു കഴിഞ്ഞാല്‍ മാത്രമേ ഇന്റര്‍വ്യൂ വിനു പങ്കെടുക്കാനുള്ള അഡ്മിറ്റ് കാര്‍ഡുകള്‍ ലഭിക്കുകയുള്ളൂ. ആയതിനാല്‍ ഓരോ ഉദ്യോഗാര്‍ത്ഥി യും ഏതെങ്കിലുമൊരു സെഷനില്‍ പങ്കെടുത്തു 29 ആം തീയതി നടക്കുന്ന അഭിമുഖത്തില്‍ ഉള്ള അവസരം ഉറപ്പിക്കേണ്ടതാണ് . ജില്ലയിലെ നിയമസഭാ നിയോജക മണ്ഡലങ്ങള്‍, പഞ്ചായത്തുകള്‍ തരംതിരിച്ചാണ് ഏഴ് കേന്ദ്രങ്ങളില്‍ നടക്കുന്ന സെഷന്‍ താഴെ പറയും പ്രകാരം നടക്കുന്നത്. ഓരോ കേന്ദ്രങ്ങളിലും രാവിലെ 8:30 നും 12:30 നും ആരംഭിക്കുന്ന രണ്ട് ബാച്ചുകളായാണ് പരിശീലനം നടക്കുന്നതെന്നു ജില്ലാ പഞ്ചായത്ത് പ്രസിഡന്റ് എം കെ റഫീഖ, വൈസ് പ്രസിഡന്റ് ഇസ്മായില്‍ മൂത്തേടം എന്നിവര്‍ അറിയിച്ചു
