ഇന്ത്യയില്‍ കൊവിഡ് കേസുകളുടെ എണ്ണം 1 ലക്ഷത്തോട് അടുക്കുന്നു. ഇന്നലെ മാത്രം കോവിഡ് സ്ഥിരീകരിച്ചത് 4900 പേര്‍ക്കാണ്. 90,927 പേര്‍ക്കാണ് രോഗം രാജ്യത്ത് ഇതുവരെ സ്ഥിരീകരിച്ചത്. നിലവില്‍ 53946 രോഗികളാണ് രാജ്യത്തുള്ളത്. 2,872 പേരാണ് ഇതുവരെ കൊവിഡ് ബാധമൂലം മരിച്ചത്.ഇന്നലെ മാത്രം 118 പേര്‍ മരിച്ചു. അതേസമയം, മഹാരാഷ്ട്രയിലെ സ്ഥിതി അതീവ ഗുരുതരമായി തുടരുകയാണ്. സംസ്ഥാനത്ത് കോവിഡ് കേസുകള്‍ 30,000 കടന്നു. 30,706 കേസുകളാണ് ഇതുവരെ റിപ്പോര്‍ട്ട് ചെയ്തിരിക്കുന്നത്. ശനിയാഴ്ച മാത്രം 1,606 പേര്‍ക്കാണ് രോഗം സ്ഥിരീകരിച്ചത്. സംസ്ഥാനത്ത് ശനിയാഴ്ച 67 പേര്‍ മരിച്ചു. ഇതോടെ മരണ സംഖ്യ 1,135 ആയി ഉയര്‍ന്നു.
