ലോകത്തിലെ വലിയ നിശാ ശലഭങ്ങളില് ഒന്നാണ് അറ്റ്ലസ് ശലഭം അഥവാ സര്പ്പശലഭം. ഇരു ചിറകുകളും വിടര്ത്തുമ്പോള് 240 മിലിമീറ്റര് നീളം ഉണ്ട്. തെക്കുകിഴക്കന് ഏഷ്യയിലെ വനമേഖലകളില് കണ്ടു വരുന്ന അറ്റ്ലസ് ശലഭം ആര്ടി ക്രൗണ് പ്ലാസയിലെ കൊച്ചിന് ബേക്ക് ഹൗസ് ഇല് തൂക്കിയ നക്ഷത്രത്തില് വന്നിരുന്നത് കാഴ്ചക്കാര്ക്ക് കൗതുകമായി.
ചുവപ്പ് കലര്ന്ന തവിട്ട് നിറമുള്ള ഇവയുടെ മുന്ചിറകുകളില് പാമ്പിന്റെ കണ്ണുകളെപ്പോലെ കറുത്ത പൊട്ടുകള് ഉണ്ട്. ശത്രുക്കളില് നിന്ന് രക്ഷ നേടാന് ഇതുപകരിക്കുന്നു.
കറുപ്പ്, ബ്രൗണ്, പര്പിള് നിറങ്ങളില് അറ്റ്ലസ് ശലഭങ്ങളെ കണ്ടെത്തിയിട്ടുണ്ട്. തെക്കുകിഴക്കന് ഏഷ്യയിലെ വനമേഖലകളില് ഈര്പ്പമുള്ള പ്രദേശങ്ങളില് ആണ് ഇവയെ കണ്ടുവരുന്നത്. ഈ ശലഭങ്ങള്ക് രണ്ടു മാസം മാത്രമേ ആയുസ്സ് ഉള്ളു.
ഹോസ്റ്റല് ജംഗ്ഷനിലെ രാജേഷ് പൊന്നുംപുരയിടത്തിന്റെ പേരിലുള്ള ആര്ടി ക്രൗണ് പ്ലാസയിലെ കൊച്ചിന് ബേക്ക് ഹൗസ് ഇല് തൂക്കിയ നക്ഷത്രത്തില് രാവിലെ മുതല് ഈ ശലഭം ഒരേ ഇരുപ്പാണ്.