കൊല്ക്കത്ത: നിലമ്പൂര് ഉപതിരഞ്ഞെടുപ്പില് പി വി അൻവർ തൃണമൂല് കോണ്ഗ്രസ്
സ്ഥാനാർത്ഥിയായി മത്സരിക്കും. തൃണമൂല് കോണ്ഗ്രസ് സ്ഥാനാര്ഥിയായി പി.വി.അന്വറിനെ ഔദ്യോഗികമായി പ്രഖ്യാപിച്ചു. തൃണമൂല് കോണ്ഗ്രസ് അധ്യക്ഷയും പശ്ചിമ ബംഗാള് മുഖ്യമന്ത്രിയുമായ മമതാ ബാനര്ജിയുടെ ആശീര്വാദത്തോടെയാണ് അന്വര് സ്ഥാനാര്ഥിയാകുന്നതെന്ന് പാര്ട്ടി ദേശീയ നേതൃത്വം അറിയിച്ചു.
തൃണമൂല് കോണ്ഗ്രസ് ഔദ്യോഗികമായി സ്ഥാനാര്ഥിത്വം പ്രഖ്യാപിച്ചതോടെ അന്വര് പാര്ട്ടി ചിഹ്നത്തിലാകും മത്സരിക്കുക എന്ന കാര്യം ഉറപ്പായിരിക്കുകയാണ്.
നിലമ്പൂരില് മത്സരിക്കുമെന്ന് ഞായറാഴ്ച രാവിലെ അന്വര് പ്രഖ്യാപിച്ചിരുന്നു. മത്സരിക്കാനില്ലെന്ന കഴിഞ്ഞ ദിവസത്തെ നിലപാട് പാർട്ടി ദേശീയ നേതൃത്വം ഇടപെട്ട് തിരുത്തുകയായിരുന്നു. തിങ്കളാഴ്ച നാമനിര്ദേശ പത്രിക സമര്പ്പിക്കുമെന്നും അന്വര് അറിയിച്ചിട്ടുണ്ട്.
താന് മത്സരിച്ചാല് മമതാ ബാനര്ജിയും പത്ത് മന്ത്രിമാരും പ്രചാരണത്തിനെത്തുമെന്ന് നേരത്തെ അന്വര് വ്യക്തമാക്കിയിരുന്നു.
