തൃശൂര്: ചേലക്കര കിളളിമംഗലത്ത് യുവാവിനെ ആള്കൂട്ടം മര്ദ്ദിച്ച് അവശനാക്കിയ ,ംഭവത്തില് 11 പേരെ പൊലിസ് തിരിച്ചറിഞ്ഞു. സംഭവത്തിന്റെ വീഡിയോ പൊലീസ് പുറത്തുവിട്ടു. അടയ്ക്ക മോഷണം ആരോപിച്ചായിരുന്നു മര്ദ്ദനം. വെട്ടിക്കാട്ടിരി സ്വദേശി സന്തോഷ് എന്ന യുവാവിനാണ് മര്ദ്ദനമേറ്റത്. സന്തോഷ് ഗുരുതരാവസ്ഥയില് തൃശൂര് മെഡിക്കല് കോളേജ് ആശുപത്രിയില് ചികിത്സയില് കഴിയുകയാണ്.
കേസില് ശനിയാഴ്ച നാല് പേര് അറസ്റ്റിലായിരുന്നു. അടയ്ക്ക വ്യാപാരി അബ്ബാസ് ( 48), സഹോദരന് ഇബ്രാഹിം (41) , ബന്ധുവായ അല്ത്താഫ് (21 ), അയല്വാസി കബീര് (35 )എന്നിവരാണ് അറസ്റ്റിലായത്. മര്ദ്ദനം, വധശ്രമം തുടങ്ങിയ വകുപ്പുകള് ചുമത്തിയായിരുന്നു അറസ്റ്റ്.
വെള്ളിയാഴ്ച പുലര്ച്ചെ രണ്ട് മണിയോടെയായിരുന്നു സംഭവം. പ്രതിയായ അബ്ബാസിന്റെ വീട്ടില് നിന്ന് അടക്ക മോഷ്ടിക്കാന് ശ്രമിച്ചെന്നാരോപിച്ചായിരുന്നു സന്തോഷിനെ മര്ദ്ദിച്ചത്. സംഭവത്തില് ചേലക്കര സിഐയാണ് പ്രതികളെ പിടികൂടിയത്.