പുലിമുരുകനെ വെല്ലാന് മെഗാസ്റ്റാര് മമ്മൂട്ടിയുടെ മാമാങ്കം വരുന്നു. ടൈറ്റില് ടീസര് ഇറങ്ങിയതോടെ ആരാധകര് ഏറെ പ്രതീക്ഷയിലാണ്.
മാമാങ്കത്തിന്റെ ചരിത്രം പറയുന്ന ചിത്രത്തില് സ്ത്രീ വേഷത്തിലടക്കം നാലു വ്യത്യസത ഗെറ്റപ്പുകളിലാണ് മെഗാതാരം എത്തുക.
മുന്നറിയിപ്പില്ലാതെ എത്തിയ ചിത്രത്തിന്റെ ടീസര് മമ്മൂക്ക ഫാന്സ് ഏറ്റെടുത്തു കഴിഞ്ഞു. വടക്കന് വീരഗാഥയും പഴശ്ശിരാജയ്ക്കും ശേഷം മറ്റൊരു വിസ്മയവുമായി മെഗാസ്റ്റാര് എത്തുന്ന സന്തോഷത്തിലാണ് ആരാധകര്.പഴശ്ശിരാജയിലെ മമ്മൂട്ടിയുടെ വേഷം മലയാളികള് നെഞ്ചേറ്റിയതാണ്. പുതിയ ചിത്രവും പ്രതീക്ഷ നല്കുകയാണ്. ഈ സിനിമ എത്തുമ്പോള് മുരുകാ, നീ തീര്ന്നടാ എന്നും ആളുകള് ആവേശത്തോടെ പറയുന്നു.
സജീവ് പിള്ളയാണ് ചിത്രത്തിന്റെ സംവിധായകന്. ശംഖൂതി കാഹളം മുഴക്കി വരുന്ന കിടിലം ബാക്ക്ഗ്രൗണ്ട് സ്കോറിലാണ് ടൈറ്റിലുകള് മിന്നി മറയുന്നത്. മാമാങ്കം, ഹിസ്റ്ററി ഓഫ് ബ്രേവ് എന്ന ടാഗലൈനിലാണ് ചിത്രം വരുന്നത്. കാവ്യ ഫിലിംസിന്റെ ബാനറില് വേണു കുന്നപ്പള്ളിയാണ് ചിത്രം നിര്മ്മിക്കുന്നത്.