ഒളിമ്പിക്‌സില്‍ വെങ്കല മെഡല്‍ നേടിയ ഇന്ത്യന്‍ ഹോക്കി ടീം അംഗം പി.ആര്‍.ശ്രീജേഷിനെ കാണാൻ മമ്മൂട്ടി എത്തി. ഇന്ന് രാവിലെയാണ് മമ്മൂട്ടി ശ്രീജേഷിൻ്റെ കിഴക്കമ്പലം പള്ളിക്കരയിലെ വീട്ടിലെത്തിയത്.
ശ്രീജേഷിനെ അഭിനന്ദിക്കുന്നതിനൊപ്പം ‘സ്‌നേഹം കൊണ്ടു പൊതിഞ്ഞ’ ഒരു പൂച്ചെണ്ടും മമ്മൂട്ടി സമ്മാനിച്ചു. ഒളിമ്പിക്സ് മെഡല്‍ ശ്രീജേഷ് താരത്തിന് കാണിക്കുകയും ചെയ്തു. നിര്‍മാതാവ് ആന്റോ ജോസഫ്, പ്രൊഡക്ഷന്‍ കണ്‍ട്രോളര്‍ ബാദുഷ എന്നിവര്‍ക്കൊപ്പമാണ് മമ്മൂട്ടിയെത്തിയത്.
അതേസമയം, ഒളിമ്പിക് മെഡല്‍ നേടിയ ശ്രീജേഷിന് രണ്ട് കോടി രൂപ പാരിദോഷികമായി നല്‍കാന്‍ കേരള സര്‍ക്കാര്‍ തീരുമാനിച്ചു. ബുദ്ധനാഴ്ച്ച രാത്രി ചേര്‍ന്ന മന്ത്രിസഭ യോഗത്തിലായിരുന്നു തീരുമാനം. നിലവില്‍ ശ്രീജേഷ് വിദ്യാഭ്യാസ വകുപ്പില്‍ ഡെപ്യൂട്ടി ഡയറക്ടറാണ്. അതില്‍ നിന്നും ജോയന്റ് ഡയറക്ടര്‍ (സ്‌പോര്‍ട്ട്‌സായി) ശ്രീജേഷിന് സ്ഥാനക്കയറ്റവും നല്‍കും.
