തീയറ്റര് തുറക്കലുമായി ബന്ധപ്പെട്ട് കൂടുതല് ചര്ച്ചകള് വേണമെന്ന് ഒരു വിഭാഗം തീയറ്റര് ഉടമകള്. രണ്ട് ഡോസ് വാക്സിന് എന്ന നിലപാട് തിരിച്ചടിയാകുമെന്നാണ് വിലയിരുത്തല്. വിനോദ നികുതി ഒഴിവാക്കണമെന്നും ആവശ്യം ഉയരുന്നുണ്ട്. സെക്കന്ഡ് ഷോയുടെ കാര്യത്തില് വ്യക്തത വേണമെന്നും, തീയറ്റര് തുറക്കല് അതിന് ശേഷം മതിയെന്നുമാണ് ഒരു വിഭാഗത്തിന്റെ ആവശ്യം.
ഈ മാസം 25 മുതലാണ് സംസ്ഥാനത്ത് സിനിമാ തീയറ്ററുകള് തുറക്കുക. മുഖ്യമന്ത്രിയുടെ അധ്യക്ഷതയില് ചേര്ന്ന കൊവിഡ് അവലോകന യോഗത്തിലാണ് തീരുമാനമായത്. പകുതി സീറ്റുകളില് മാത്രം പ്രവേശനം അനുവദിച്ചുകൊണ്ടായിരിക്കും തീയറ്ററുകളുടെ പ്രവര്ത്തനം. 50 ശതമാനം സീറ്റുകളിലേക്കെങ്കിലും പ്രവേശനം അനുവദിക്കണമെന്ന് തീയറ്റര് ഉടമകള് ആവശ്യമറിയിച്ചിരുന്നു.
