കൊവിഡ് വ്യാപന പശ്ചാത്തലത്തില് ഏര്പ്പെടുത്തിയ രാത്രികാല കര്ഫ്യൂ ഇന്ന് മുതല് കര്ശനമാക്കും. കര്ഫ്യൂ ഇന്നലെയാണ് നിലവില് വന്നത്. ആദ്യ ദിവസം ബോധവത്ക്കരണമാണ് നടത്തിയതെങ്കില് ഇന്ന് മുതല് കര്ശന നടപടിയെടുക്കാനാണ് തീരുമാനം.
ഇന്നലെ രാത്രി ഒന്പത് മണിക്ക് മുന്പ് തന്നെ കടകള് അടച്ചുവെങ്കിലും വാഹനങ്ങള് നിരത്തിലിറങ്ങി. ആദ്യ ദിവസമായതിനാല് ഇവരെ ബോധവത്ക്കരിക്കുകയാണ് പൊലീസ് ചെയ്തത്. ഇന്ന് മുതല് അനാവശ്യമായി പുറത്തിറങ്ങുന്നവര്ക്കെതിരെ കര്ശന നടപടിയെടുക്കും. അവശ്യ സര്വീസ് ഒഴികെ ഒന്നും അനുവദിക്കുകയില്ല. വാഹനങ്ങള് പിടിച്ചെടുക്കുകയും ആവശ്യമെങ്കില് ജാമ്യമില്ലാ വകുപ്പ് ചുമത്തുകയും ചെയ്യും.
സാഹചര്യം അവലോകനം ചെയ്യാന് ഇന്ന് മുഖ്യമന്ത്രിയുടെ അധ്യക്ഷതയില് യോഗം ചേരും. രാവിലെ പതിനൊന്നിനാണ് യോഗം. ചീഫ് സെക്രട്ടറി, ഡിജിപി തുടങ്ങിയ ഉന്നത ഉദ്യോഗസ്ഥര് യോഗത്തില് പങ്കെടുക്കും. കൂടുതല് നിയന്ത്രണങ്ങള് ഏര്പ്പെടുത്തുന്നതും രോഗബാധിതര് കൂടുതലുള്ള പ്രദേശങ്ങളില് നടത്തേണ്ട തുടര് നടപടിയും യോഗത്തില് തീരുമാനിക്കും.
