കുടിയേറ്റ തൊഴിലാളികളിൽ നിന്ന് യാത്രാക്കൂലി ഈടാക്കരുതെന്ന് സുപ്രീംകോടതിയുടെ ഉത്തരവ്. ബസ്, ട്രെയിന് ടിക്കറ്റിനുളള പണം സംസ്ഥാനങ്ങള് വഹിക്കണമെന്നാണ് ഇടക്കാല ഉത്തരവ്. ഭക്ഷണവും വെള്ളവും സംസ്ഥാനങ്ങള് നല്കണം. ഇവ വിതരണം ചെയ്യുന്ന സ്ഥലവും സമയവും മുന്കൂട്ടി നിശ്ചയിച്ചിരിക്കണമെന്നും ഉത്തരവിൽ വ്യക്തമാക്കുന്നു.
ജസ്റ്റിസ് അശോക് ഭൂഷണിന്റെ അധ്യക്ഷതയിലുള്ള ബെഞ്ചാണ് കുടിയേറ്റ തൊഴിലാളി വിഷയത്തില് സുപ്രധാന വിധി പ്രസ്താവിച്ചത്. ഏതെങ്കിലും തൊഴിലാളികള് റോഡിലൂടെ നടന്നുപോകുന്നത് കണ്ടാല് അവരെ അടുത്തുള്ള ക്യാമ്പുകളിലേക്ക് മാറ്റി അവിടെ നിന്നും സുരക്ഷിതമായി വീടുകളിലേക്കെത്തിക്കാനുള്ള നടപടി സ്വീകരിക്കണമെന്നും കോടതി കേന്ദ്ര സംസ്ഥാന സര്ക്കാരുകള്ക്ക് നിര്ദ്ദേശം നല്കി.
യാത്രാക്കൂലി കേന്ദ്ര സംസ്ഥാന സര്ക്കാരുകള്ക്കൊപ്പം റെയില്വേ കൂടി വഹിക്കണമെന്നും കോടതി ആവശ്യപ്പെട്ടിട്ടുണ്ട്. ഏത് സംസ്ഥാനത്ത് നിന്നാണോ തൊഴിലാളികള് യാത്ര തിരിക്കുന്നത് ആ സംസ്ഥാനം ആദ്യ ദിവസത്തെ ഭക്ഷണം ഉറപ്പാക്കണം. മറ്റു ദിവസങ്ങളിലെ ഭക്ഷണം റെയില്വേ ഉറപ്പാക്കണമെന്നും ഉത്തരവില് പറയുന്നു.
